Juan 6:14 - Maung A Balita Biblia

¹⁴ Diad impakanengneng na saray totood sayan milagron ginawa nen Jesus, inkuanda, “Sikato yan tua may Propita ya onsabid sankamundoan!”

Maung a Balita Biblia

¹⁴ Diad impakanengneng na saray totood sayan milagron ginawa nen Jesus, inkuanda, Sikato yan tua may Propita ya onsabid sankamundoan!

Juan 6:14 Referans Kwoze

Mateo 21:11

Inmebat iray totoo, “Sikato yay propitan manngaray Jesus a taga Nazaret na Galilea.”

Saray Gawgawa 7:37

Sikato ni ya may Moises a nankuan ed saray Israelita, ‘Mamiliy Dios na sakey ed sikayo tan gawaen ton propita a singa siak.’

Mateo 11:3

Tinepet dad kinen Jesus, “Ibagam pad sikami: sika may aalagden min onsabi o manalagar kami niy sananey?”

Juan 7:40

Nen nadngel da yan salita nen Jesus, inkuan na saray arum, “Talagan saya may propitan aalagden tayo!”

Juan 1:21

Tinepet da, “Siopa ka sirin? Sika si Elias?” “Andi, aliwan siak,” ebat to. “Sika may propita ya alagden mi?” tinepet da lamet ed sikato. “Andi,” ebat tod sikara.

Juan 4:19

Inkuanto may bii ed kinen Jesus, “Nalilikas kon sakey kan propita.

Genesis 49:10

Bembenan toy baston na ari. Manoley lawas iray kabyangay boleg to. Maniter ed sikato iray bansa na buis da Tan ondakmomo ran ontoluk ed sikato.

Juan 4:42

Kanyan imbaga rad samay bii, “Manisia kami la natan, aliwan lapud samay imbagam, no ag lapud nadngel min dili; tan amta mi a sikaton tuay Manangilaban na sankamundoan.”

Juan 4:25

“Amtak,” kuanto may bii ed sikato, “ya onsabiy Misias a tatawagey Cristo. No sikatoy onsabi, ipaliwawa tod sikatayoy amin a bengatla.”

Lucas 24:19

“Anto ra tan?” tepet to. Inmebat ira, “Saray agawan nipaakar ed kinen Jesus a taga Nazaret, sakey a propitan makapanyari ed salita tan gawa diad matay Dios tan diad amin a katoowan.

Lucas 7:16

Asabiay takot iray amin a wadman, tan indaydayew day Dios. Inkuanda, “Sinmabid pegley tayo so matalonggaring a propita! Ag nilingwanay Dios ya ilaban iray totoo to!”

Juan 2:11

Sayan ginawa nen Jesus dimad Cana ed Galilea et onona-ona ed saray milagron ginagawa to. Diad panamegley na sayan agawa impatnag nen Jesus so kagalangan to, kanyan anisiad sikato ray disipulo to.

Juan 6:2

Dakerakel iray totoon tinmombuk ed sikato, lapud anengneng da ray makapakelaw a ginagawa to diad impamaabig tod saray mansasakit.

Juan 6:26

Inmebat si Jesus, “Ibabagak ed sikayoy katwaan: aanapen yo ak aliwan lapud anengneng yo ray makapakelkelaw a gawgaway pakayarik, no ag lapud napsel kayon angay tinapay.

Juan 6:30

Tinepet dad sikato, “Anton makapakelaw a gawa so nipanengneng mod sikami, pian sisiaen mi ka? Antoy gawaen mo?”

Juan 11:27

“On, Katawan!” inebat nen Marta. “Manisia ak a sikay Anak na Dios, say Cristo ya onsabi diad mundo.”