Juan 4:5 - Maung A Balita Biblia

⁵ Akasabid baley na Sicar ed Samaria ya asingger ed alog ya inter nen Jacob ed anak ton si Jose.

Maung a Balita Biblia

⁵ Akasabid baley na Sicar ed Samaria ya asingger ed alog ya inter nen Jacob ed anak ton si Jose.

Juan 4:5 Referans Kwoze

Josue 24:32

Saray pokel nen Jose ya inalad Egipto na saray totood Israel et nipompon ed Sikem, sakey a parti na dalin a sinaliw nen Jacob ed saray lalakin anak nen Hamor ya ama nen Sikem; sinaliw to na sanlasus a kuartan pilak. Sayan dalin et tinawir na saray kabyangay boleg nen Jose.

Genesis 33:19

Sinaliw to man a parti na alog ed saray kabyangay boleg nen Hamor ya ama nen Sikem; sanlasus a kuartan pilak so imbayar to.

Genesis 48:22

Diad sika, aliwan saray lalakin agagim, so pangitdan ko na Sikem, say mataban dalin a sinamsam kod saray Amorreo diad panamegley na ispadak tan panak.”

Juan 4:12

Si laki min Jacob so angiter ed sayan bobun. Dia inmiinom ira di laki min Jacob, saray anak, apo, tan ayayep da. Akin, mabiskeg ka ni nen sikara?”

1 Saray Arari 13:32

Ontuan ontua ira may sinalita to, lapud ganggan na Katawan, sumpad altar ed Betel tan saray amin a panangigalangan a pasen ed saray baley na Samaria.”

Lucas 9:52

Imbaki toy pigaran totoo ya onona ran onlad sakey a bario ed Samaria a mangiparaan na tuloyan to.

Juan 4:6

Diay kawalaan na bobun nen Jacob. Naknaksawan si Jesus lapud impanakar to, kanyan inmirung ed abay na bobun. Ngalngali lan alas dosi ed kaagewan.

Juan 4:8

(Saray disipulo nen Jesus linma ran agano ed baley a manaliw na pangogtoan da.)

Juan 4:39

Dakel a Samaritano ed saman a siudad so anisiad kinen Jesus lapud impantasi to may bii nen inkuanto, “Imbaga tod siak iray amin a ginagawak.”