Juan 4:32 - Maung A Balita Biblia

³² Balet inmebat si Jesus ed sikara, “Walay kanen kon ag yo amta.”

Maung a Balita Biblia

³² Balet inmebat si Jesus ed sikara, Walay kanen kon ag yo amta.

Juan 4:32 Referans Kwoze

Say Libro nen Job 23:12

Oonuren ko lawas iray Ganggan na Dios; susumpalen koy linawa to, aliwan say dilin labay ko.

Juan 4:34

Inkuanen Jesus ed sikara, “Say kanen ko say pangonur koy linawa na angibakid siak tan say panumpal koy kimey a pagagawa tod siak.

Saray Salmo 119:103

Diad pakataway ko masamsamit iray bilibilin mo; masamsamit ira nen say dilo!

Jeremias 15:16

Nansalita kad siak et dinengel koy amin ya imbagam. Kayaryan mo ak, Katawan a Dios a Makapanyarin-amin, kanyan saray salitam pinano ray pusok na gayaga tan liket.

Probirbio 18:20

Anien mo iray bunga na panagsalitam.

Probirbio 14:10

Say gayagam tan kairapan mo et ag nayarin inagnag mod arum a too.

Saray Salmo 63:5

Mampista so kamarerwak et napenek, tan ikantak iray magayagan kanta a pangidayew kod sika.

Saray Salmo 25:14

Kaaro na Katawan iray matoluk ed sikato, tan papaletan toy impisipanan tod sikara.

Puyan 2:17

“Sikayo ran walay layag, dengel yoy ibabagay Ispiritu ed saray iglisia! “Saray manalo itdan ko ray akaamut a mana. Itdan ko met so balang sakey ed sikara na ampotin bato a nisulat so sakey a balon ngaran, ya anggapoy makaamta no ag say mangawat labat.

Saray Gawgawa 20:35

Impanengneng kod sikayo a diad panamegley na onyan panagkimey, nepeg yon tulongan iray maniirap tan nunoten lawas so imbalikas na dilin Katawan a Jesus, ‘Lalon maliket so mangiter nen say mangawat.’”

Isaias 53:11

Kayari na panirap to legan ton mambilay, nawalaan lamet na gayaga; naamtaan to ya aliwan andi-kakanaan so impanirap to. Say matoor ya aripen ko a pakakaliketan ko et sakbaten toy dusa na amayamay a totoo tan, lapud sikato, pirdonaen ko ra.

Juan 4:31

Legay intaynan to may bii, kekerewen na saray disipulo a mangan si Jesus. Inkuanda, “Rabi, mangan ka la!”

Juan 4:33

Kanyan nantetepetan ira may disipulo, “Wala kasiy angiter na kanen to?”