Juan 3:6 - Maung A Balita Biblia

⁶ Say nianak ed laman, laman, tan say nianak ed Ispiritu, ispiritu.

Maung a Balita Biblia

⁶ Say nianak ed laman, laman, tan say nianak ed Ispiritu, ispiritu.

Juan 3:6 Referans Kwoze

2 CORINTO 5:17

Kanyan nagmaliw a balon pinalsa so siopaman a toon akikasakey ed Cristo. Linmabas lay daan, tan sinmabi lay balo.

1 Juan 3:9

Siopaman ya anak na Dios ag to ituloy so mankasalanan, ta walad sikato so inkanatural na Dios; tan lapud say Dios so Ama to, ag to nayarian ya ituloy so mankasalanan.

1 CORINTO 6:17

Balet say toon mitipon ed Katawan mikasakey a maispiritu ed sikato.

Saray Taga Roma 7:18

Amtak ya anggapoy kamaungan a walad siak, a salanti diad inkatook. Ta anggan walay pilalek kon manggaway kamaungan, ag ko balet nagawaan.

Genesis 6:12

Say Dios ninmengneng ed mundo tan anengneng ton maoges, lapud maoges so pambibilay na amin a katoowan.

Saray Salmo 51:10

O Dios, gawam pan malinis so pusok; itdan mo ak pay balo tan matoor ya ispiritu.

Say Libro nen Job 25:4

Panon a magmaliw a matonung o malinis ed arap na Dios so sakey a too?

Say Libro nen Job 14:4

Anggapoy malinis a napapaway ed antokaman a marotak a singa say too.

Saray Taga Roma 8:13

Ta ompatey kayo no mambilay kayo onung ed inkanatural na too, balet mambilay kayo no diad tulong na Ispiritu et pateyen yoy maoges iran gaway laman.

TAGA-EFESO 2:3

Diad tuay tua kapara ti ra nen saman; nambilay itayo onung ed likeliket na laman, tan ginagawa tayoy antokaman a maoges a pilalek na laman tan kanunotan tayo. Kanyan onung ed inkatoo tayo kanepegan tayo nen saman, singa saray arum, so manliknay pasnuk na Dios.

COLOSAS 2:11

Lapud pikakasakey yod Cristo atandaan kayoy segat aliwan lapud impakagerger ed laman yo, no ag lapud nakal kayo lad maoges a pakayariy laman. Sayan segat nanlapud Cristo.

TAGA GALACIA 5:24

Tan saray kayaryan nen Cristo Jesus et impasak da lad krus so inkatoo ra, pati saray maoges a liknaan tan pilalek to.

Juan 1:13

Nagmaliw iran anak na Dios, aliwan lapud nianak iray too, tan aliwa met a lapud linawa na laman o pakayari na too, no ag ingen lapud pakayari na Dios.

Saray Taga Roma 7:5

Ta nen mambibilay itayo ni onung ed natural ya inkatoo tayo, saray makasalanan a pilalek a pinabiskeg na Ganggan so anagdag ed saray kabyangay laman tayo a manggaway bengatlan mambungay patey.

Genesis 6:5

Nen anengneng na Katawan so ontan lan kaogsan na amin a totoo ed tapew na dalin, say ontan lan kinaoges lawas na kanunotan da,

Genesis 5:3

Nen sanlasus tan talomploy taon nen Adan, walay anak ton laki a kaolibay to, tan inngaran to na Set.

Saray Taga Roma 7:25

Say Dios diad panamegley nen Jesu-Cristo a Katawan tayo! Salamat ed sikato. Sikato ya siriy kipapasen ko: diad panamegley na kanunotan ko, lilingkuran koy ganggay Dios; balet diad panamegley na inkatook, lilingkuran koy ganggan na kasalanan.

Juan 3:7

Ag ka mankelaw lapud imbagak ed sika, ‘Nakaukolan kayon nianak lamet.