Juan 21:17 - Maung A Balita Biblia

¹⁷ Pinitlo nen Jesus a tinepet, “Simon ya anak nen Juan, inaro mo ak?” Naermenay Pedro ta pinitlo nen Jesus a tinepet, “Inaro mo ak?” Kanyan kuantod kinen Jesus, “Katawan, amtam iray amin a bengatla; amtam ya inaro ta ka!” Inkuanen Jesus ed sikato, “Asikasom iray karnirok.

Maung a Balita Biblia

¹⁷ Pinitlo nen Jesus a tinepet, Simon ya anak nen Juan, inaro mo ak? Naermenay Pedro ta pinitlo nen Jesus a tinepet, Inaro mo ak? Kanyan kuantod kinen Jesus, Katawan, amtam iray amin a bengatla; amtam ya inaro ta ka! Inkuanen Jesus ed sikato, Asikasom iray karnirok.

Juan 21:17 Referans Kwoze

Juan 13:38

Inmebat si Jesus, “Tua kasin sipaparaan kan ompatey makasengeg ed siak? Ibabagak ed sikay katwaan: kasakbayay ikukaok na lalung, mamitlon ibagam ya ag mo ak kabat.”

Marcos 14:72

Diad saman a bekta, kinmukaok lamet so lalung. Insan anunotan nen Pedro may sinalita nen Jesus ed sikato, “Kasakbayan a pidwan ikukaok na lalung, ibori mo ak a mamitlo!” Inmakis na ampaipait si Pedro.

Juan 16:30

Amta mi la natan a kabat mo ray amin a bengatla tan ag mo kakaukolay anggan siopa a manepet ed sika. Lapud saya manisia kamin nanlapu kad Dios.”

Puyan 2:23

Pateyen ko met iray anak to, pian naamtaan na saray iglisia a siak so makaamta ed puso tan kanunotan da ray katoowan. Mangiter ak ed balang sakey ed sikayo, onung ed saray gawgawa to.

TAGA-EFESO 4:30

Ag yo papaermenen so Ispiritu Santo na Dios, ta sikatoy tanda na pankayaryay Dios ed sikayo; sakey met a kaletan na pakarondon yo no onsabiy niganan Agew.

Saray Gawgawa 15:8

Say Dios, a makaamtay walad pusoy balang sakey, impanengneng toy maung a linawa tod saray Hintil diad impangiter tod sikara na Ispiritu Santo, a singa impangiter tod sikatayo.

Juan 15:10

No onuren yo ray ganggan ko, mansiansia kayod arok; singa siak, oonuren ko ray ganggan nen Amak, kanyan mansiasiansia ak ed aro to.

Juan 14:15

“No inaro yo ak, onuren yo ray ganggan ko.

Saray Salmo 17:3

Sinokayan moy pusok. Dinago mo ak ed labi; sigput mo ak a sinubok, et anggapoy arumog mod siak a maoges a pilalek. Ag ak mansasalitay kaogsan

2 Pedro 3:1

Inararon agagi! Kumadwa la yan sulat kod sikayo. Diad sarayan duan sulat, sinalik ya ipaliing ed sikayo ray malinis a kanunotan diad panamegley na pangipanunot kod sarayan bengatla.

1 Pedro 1:6

Nepeg yo yan panliketan, anggaman a nayarin nakaukolan ni a manermen kayon magano lapud saray nandoroman subsubok na bilay.

2 CORINTO 1:12

Sikato yay nayarian mi ya ikinon: paneknekan na konsinsia mi a masanto tan anggapoy pankonkonwari so pipiolup mid sankamundoan, lautlad pipiolup mid sikayo. Onyay pambibilay mi, lapud baleg a panangaroy Dios, aliwan lapud kakabatay too.

Saray Gawgawa 1:24

Insan ira nampikasi, “Katawan, kabat moy walad puso na balang sakey. Ipanengneng mo pad sikami no siopay pinilim ed sarayan dua

Juan 18:27

Imbori lamet nen Pedro, insan kinmukaok a tampol so lalung.

Juan 18:4

Amta nen Jesus ya amin iray nagawad sikato, kanyan inmabet ed sikara tan tinepet to, “Siopay aanapen yo?”

Juan 12:8

Kaiba yo lawas iray mairap-bilay, balet ag yo ak lawas kaiba.”

Mateo 25:40

Onebat so Ari ed sikara, ‘Kuankod sikayo: nen ginawa yo yad anggan sakey a sankamelagan ed sarayan agagik, ginawa yod siak!’

Saray Tagleey 3:33

Ag to panliketan so pamasakit odino pamaermen tod sikatayo.

Jeremias 17:10

Siak, say Katawan, sokayan ko ray kanunotan tan suboken ko ray puso da ray totoo. Tumangan ko so balang too onung na panagbilay to, onung na gagawaen to.”

1 Saray Awaran 29:17

Amtak a susuboken moy puso na balang too tan maliket kad kaptekan. Diad katooran tan diad kaptekan mabolbolos kon inter ira yan amin ed sika. Anengneng ko a sarayan totoom a nantitipon dia natan et maliket tan mabolus so linawa ran angiter ed sika.

1 Saray Arari 17:18

Inkuantod kinen Elias, “Too na Dios, akin et ginawam ed siak ya? Linma ka dian mangipanunot ed Dios na kasalanan ko, pian onsabiy patey ed anak ko?”

Josue 22:22

“Say Makapanyari et say Dios! Sikato so Katawan! Say Makapanyari et say Dios! Sikato so Katawan! Amta to no akin et ginawa mi yan altar, tan labay mi met a naamtaan yo no akin! No sinumpa mi so Katawan tan inekal miy pananisia mid sikato, patey yo kami la natan.

Puyan 3:19

Pampasnukan tan dusaen ko ray amin ya inarok. Kanyan manseet ka, tan mampatauli ka.

2 Samuel 7:20

Anto niy nayarian kon ibagad sika? Kabkabat mo ak, say aripen mo.

Juan 21:18

Ibagak ed sikay katwaan: nen ogaw ka ni, sikay mansosolung na kawes mon dili tan oonla kad labay mon laen. Balet no masiken ka la, iyonat mo ray limam tan sananey so mangisolung na kawes mo tan iyakar to ka ed ag mo labay a laen.”

1 Saray Awaran 17:18

Anto niy nayarian kon ibagad sika? Kabkabat mo ak ya aripen mo, et siansian papagalangan mo ak.

Juan 4:16

“Laka,” kuanen Jesus ed sikato, “ta itagar mo diay asawam.”

Saray Gawgawa 11:10

Amitlo yan agawa tan kasumpal to, nipawil lad tawen imay singa oles.