Juan 19:26 - Maung A Balita Biblia

²⁶ Anengneng nen Jesus si ina to tan say inararo ton disipulo a manalalagey diman, kanyan inkuantod kinen ina to, “Sikato so anak mo.”

Maung a Balita Biblia

²⁶ Anengneng nen Jesus si ina to tan say inararo ton disipulo a manalalagey diman, kanyan inkuantod kinen ina to, Sikato so anak mo.

Juan 19:26 Referans Kwoze

Juan 21:24

Sikato yay disipulon amaneknek ed saraya, tan sikato niy angisulat. Tan amta min katwaan iray imbabaga to.

Juan 20:2

Binmatik a linmad kinen Simon Pedro tan say disipulon inararo nen Jesus. Inkuantod sikara, “Inala rad lobuk so Katawan, tan ag mi amtay anginan dad sikato!”

Juan 13:23

Akasaral ed pagew nen Jesus imay inararo ton disipulo.

Juan 2:4

Inkuanen Jesus ed kinen ina to, “Ag nepeg ya ibaga yoy gawaen ko. Ag ni sinmabiy oras ko.”

Juan 21:7

Say disipulo ya inararo nen Jesus kuantod Pedro, “Say Katawan iman!” Nen nadngel nen Simon Pedro a say Katawan manaya man, insolung toy kawes to (ta lakseb) insan tinmabuy ed danum.

Juan 21:20

Linmingaw si Pedro tan anengneng ton manomtombuk imay disipulon inararo nen Jesus—samay sinmaral ed pagew nen Jesus nen mamandem ira tan nantepet, “Katawan, siopay mantraidor ed sika?”