Juan 18:33 - Maung A Balita Biblia

³³ Linmoob lamet si Pilato ed palasio, tinawag toy Jesus tan tinepet to, “Sikay ari da ray Judio?”

Maung a Balita Biblia

³³ Linmoob lamet si Pilato ed palasio, tinawag toy Jesus tan tinepet to, Sikay ari da ray Judio?

Juan 18:33 Referans Kwoze

Juan 19:12

Nen nadngel ya nen Pilato, lalon labay ton ibolus si Jesus. Balet iningal na karaklan, “No ibolus mo tan a too, ag ka kaaro na Impirador. Siopamay mangipasen na laman ton dili ya ari, lalabanan toy Impirador!”

Juan 19:3

Siningsinggeran da ya inkuan, “Andokey komun so bilay na Ari da ray Judio!” Insan da balet tinatampal.

Juan 18:37

Tinepet nen Pilato, “No ontan sirin, sakey kan ari?” Inmebat si Jesus, “Ibabagam la a sakey ak ya ari. Say makasengeg no akin et nianak tan linma ak ed sayan mundo et say pantasik ed katwaan. Siopamay walad katwaan ondengel ed siak.”

Juan 12:13

Kanyan angala ray sanga-sangay kiew a palma tan inabet dad paway na siudad. Ineeyag da, “Hosanna! Bindisionan komuy Dios so onla dia ed ngaray Katawan! Bindisionan na Dios komun so Ari na Israel!”

Marcos 15:2

Tinepet nen Pilato ed kinen Jesus, “Sikay ari da ray Judio?” Inmebat si Jesus, “Sika lan dili so mangibabaga.”

Mateo 27:11

Manalalagey natan si Jesus ed arap na Gobirnador na Roma. “Sikay ari da ray Judio?” tinepet to may Gobirnador na Roma. Inmebat si Jesus, “Sika lan dili so mangibabaga.”

Zacarias 9:9

Manliket kayo na baleg, sikayon totood Sion! Eyag kayod liket, sikayon totood Jerusalem! Nengneng yo, onsasabid sikayo so ari yo! Onsasabin analo tan sipapalabo, balet mapaabeba tan akakabayod sakey a kilaw na asno—

1 Timoteo 6:13

Diad arap na Dios a mangiiter na bilay ed amin a bengatla, tan diad arap nen Cristo Jesus a maung so impantasi tod arap nen Poncio Pilato, igaganggan ta ka:

Juan 19:9

Linmoob lamet ed palasio tan tinepet tod kinen Jesus, “Taga iner ka?” Balet ag inmebat si Jesus.

Juan 12:15

“Ag ka natatakot, siudad na Sion! Nengneng mo, onsasabi lay arim, akakabayod kilaw ya asno!”

Juan 1:49

Inkuanen Nataniel ed kinen Jesus, “Maistro, sikay Anak na Dios! Sikay Ari na Israel!”

Sofonias 3:15

Pinatonda na Katawan so dusa yo; pinaandi ton amin iray kalaban yo. Kaolup yo so Katawan ya ari na Israel; anggapo la natan so nepeg yon takotan.

Jeremias 23:5

Say Katawan kuanto, “Onsabiy panaon a mamili ak na ari a matonung a kabyangay boleg nen David. Sayan ari manoley a sikakabat tan gawaen tod intiron dalin so katonungan tan kaptekan.

Mateo 27:27

Si Jesus inyakar na saray sondalo nen Pilato ed palasioy gobirnador, tan minokut na sakey a batalyon na sondalo.

Lucas 23:2

Ginapoan dan inakusa, “Narel mi yan too,” inkuanda, “a sosogsogan to ray totoo mi a manggaway aliwa. Isesebel to met so pambayar na buis ed Impirador. Ibabaga to nid saray totoo a sikatoy Cristo, say sakey ya ari.”

Juan 18:34

Inmebat si Jesus, “Nanlapud dilin isip mo yan tepet, odino imbagay arum ed sika so nipaakar ed siak?”

Juan 18:38

“Antoy katwaan a?” tinepet nen Pilato. Kapangibaga nen Pilato ed saya, pinmaway tan kuantod saray Judio, “Anggapoy narumog kon kasalanan to.

Juan 19:4

Pinmaway lamet si Pilato tan kuantod karaklan, “Iyarap ko yan too ed sikayo, pian naamtaan yon anggapoy narumog kon kasalanan to.”