Juan 18:17 - Maung A Balita Biblia

¹⁷ Tinepet na samay biin bantay na puirta ed kinen Pedro, “Ag ta sakey kad saray disipulo to man a too?” “Andi pa,” ebat nen Pedro.

Maung a Balita Biblia

¹⁷ Tinepet na samay biin bantay na puirta ed kinen Pedro, Ag ta sakey kad saray disipulo to man a too? Andi pa, ebat nen Pedro.

Juan 18:17 Referans Kwoze

Juan 21:15

Kasumpal dan angan, tinepet nen Jesus ed kinen Simon Pedro, “Simon ya anak nen Juan, lalon inaro mo ak nen saraya?” “On, Katawan,” ebat to, “amtam ya inaro ta ka.” Inkuanen Jesus ed sikato, “Asikasom iray kordirok.”

Juan 18:25

Akaalagey nid may Pedro a mandarangdang, kanyan tinepet da, “Ag ta sakey kad saray disipulo to man a too?” Balet namboriy Pedro. “Andi pa,” ebat to.

Juan 18:16

Atilak si Pedro ed paway na puirta. Pinmawil imay disipulon kabat na samay Pangulon Pari, akitongtong ed biin bantay na puirta, tan inloob toy Pedro.

Lucas 22:54

Inerel day Jesus, insan da inyakar ed abung na Pangulon Pari. Tinmombuk si Pedro ed kinen Jesus, balet walad bandad arawi.

Mateo 26:33

Inkuanen Pedro ed sikato, “Anggan taynan da kan amin, ag ta kan balut taynan!”

Saray Gawgawa 12:13

Tinmoktok ed puirta si Pedro. Linmay sakey a biin aripen a manngaray Roda, ta nengnengen to no siopay ontotoktok.

Juan 18:8

“Imbagak lad sikayon siak si Jesus,” inkuanto. “No siak sirin so aanapen yo, abuloyan yon ontaynan la ra yay kakaibak.”

Juan 18:5

“Si Jesus a taga Nazaret,” inebat da. Inkuanen Jesus ed sikara, “Siak si Jesus.” Kaiba ray Judas a traidor a manalalagey.