Juan 17:4 - Maung A Balita Biblia

⁴ Pinagalangan ta kad sankamundoan, tan inonur koy pagagawam ed siak.

Maung a Balita Biblia

⁴ Pinagalangan ta kad sankamundoan, tan inonur koy pagagawam ed siak.

Juan 17:4 Referans Kwoze

Juan 4:34

Inkuanen Jesus ed sikara, “Say kanen ko say pangonur koy linawa na angibakid siak tan say panumpal koy kimey a pagagawa tod siak.

Saray Gawgawa 20:24

Balet ipapasen kon anggapoy kuinta so bilay ko, dapot nasumpal koy kimey ko tan say inter na Katawan a Jesus a gawaen ko, salanti, say pampulong koy Maung a Balitan nipaakar ed baleg a panangaroy Dios.

2 Timoteo 4:7

Ginawak so anggaay nayarian kon akilumba tan binatik koy nepeg kon batiken. Nansiansia ak a matoor ed pananisia.

Juan 19:30

Nen atawayan nen Jesus so alak ya anapseng inkuanto, “Asumpal la!” Intuek toy olo to, insan inyawat toy ispiritu to.

Juan 14:31

Balet pian naamtaan na sankamundoan ya inarok so Ama, oonuren ko ray amin a ganggan tod siak. “Alagey kayo. Tila la!”

Juan 15:10

No onuren yo ray ganggan ko, mansiansia kayod arok; singa siak, oonuren ko ray ganggan nen Amak, kanyan mansiasiansia ak ed aro to.

Juan 14:13

Antokaman a kerewen yod ngaran ko, gawaen ko, pian nipatnag so kagalangay Ama diad panamegley na Anak.

Juan 12:28

Ama, pagalangan moy ngaran mo!” Insan walay bosis a nanlapud tawen a kuanto, “Pinagalangan ko la, tan pagalangan ko lamet.”

Juan 9:3

Inmebat si Jesus, “Nianak a bulag yan too, aliwan lapud sikatoy nankasalanan odino saray atateng to, no ag ingen pian nipatnag ed sikato so pakapanyariy Dios.

Juan 5:36

Balet walay mantasid siak a lalon ambelat nen say impantasi nen Juan, a salanti: saray kimey a pagagawa nen Amak susumpalen ko tan sikara yay mantasi ya imbaki ak na Ama.

Lucas 22:37

Ta kuankod sikayon nepeg a nasumpal so ibabaga na Masanton Sulat nipaakar ed siak, ‘Sikatoy nibilang a sakey a kriminal.’ Ta nagagawa lay nisulat a nipaakar ed siak.”

Juan 19:28

Kasumpal to ya, lapud amta nen Jesus ya ayari lay amin a bengatla, tan pian nasumpal so ibabagay Masanton Sulat, inkuanto, “Napgaan ak!”