Juan 16:28 - Maung A Balita Biblia

²⁸ Nanlapu ak ed Ama tan linma ak diad mundo. Natan balet taynan ko lay mundo tan ompawil ak lad Ama.”

Maung a Balita Biblia

²⁸ Nanlapu ak ed Ama tan linma ak diad mundo. Natan balet taynan ko lay mundo tan ompawil ak lad Ama.

Juan 16:28 Referans Kwoze

Juan 13:1

Bispiras la na Paskua. Amta nen Jesus a sinmabi lay oras na itaynan tod sayan mundo tan ipawil tod Ama. Inaro to ray totoo ton wadyad mundo, tan inaro to ra ya anggad kasamputan.

Juan 13:3

Amta nen Jesus ya inter na Ama ed sikato so amin a bengatla, tan kabat to met a sikatoy nanlapud Dios tan ompawil ed Dios.

Juan 8:14

Inmebat si Jesus, “Anggan tatasian koy laman kon dili, katwaay ibabagak, lapud amtak so nanlapwan tan say laen ko. Balet ag yo amta no iner so nanlapwan tan laen ko.

Juan 16:5

Balet natan ya ompawil ak lad angibakid siak, anggapoy anggan sakey ed sikayoy manetepet ed siak no iner so laen ko.

Juan 17:5

Ama! Itdan mo ak natan, diad arap mo, imay kagalangan a walad sikata kasakbayan ya apalsay mundo.

Juan 16:16

“Antiktikey lan panaoy pakanengneng yod siak, balet ag mambayag nanengneng yo ak lamet.”

Juan 14:28

Nadngel yon imbagak ed sikayo, ‘Ontaynan ak, balet pawilen ta kayo.’ No inaro yo ak, panliketan yoy iyakar kod Ama, ta matalonay Ama nen say siak.

Lucas 24:51

Nen bibindisionan to ra, tinaynan to ra tan niatagey ed tawen.

Juan 17:13

Natan onla ak lad sika; ibabagak ira ya leleg kon wadyad mundo, pian napanoy puso ra na liket ko.

Juan 17:11

Natan onla ak lad sika. Ontaynan ak la diad mundo, balet wadya ni rad mundo. O Aman Masanto! Asikasom irad panamegley na pakayariy ngaran mon inter mod siak, pian magmaliw iran saksakey a singa sikata.

Lucas 9:51

Nen asingger lay panaon a kiatagey nen Jesus ed tawen, ginetma toy onlan onla ed Jerusalem.

Juan 8:42

Inkuanen Jesus, “No tuan say Dios so ama yo, aroen yo ak komun, ta nanlapu ak ed Dios tan natan wadya ak. Ag nanlapud siak a bukor so inyakar ko dia, no ag ta imbaki ak na Dios.

Juan 16:10

Paneknekan to met so inkalingo ran nipaakar ed kaptekan, ta onla ak ed Ama tan ag yo ak la nanengneng;

Juan 16:30

Amta mi la natan a kabat mo ray amin a bengatla tan ag mo kakaukolay anggan siopa a manepet ed sika. Lapud saya manisia kamin nanlapu kad Dios.”