Juan 15:20 - Maung A Balita Biblia

²⁰ Nunot yoy imbagak ed sikayo: ‘Anggapoy aripen a palabsanan toy katawan to.’ No pinairap da ak, pairapen da ki met. No inonur day salitak, onuren da met so salita yo.

Maung a Balita Biblia

²⁰ Nunot yoy imbagak ed sikayo: Anggapoy aripen a palabsanan toy katawan to. No pinairap da ak, pairapen da ki met. No inonur day salitak, onuren da met so salita yo.

Juan 15:20 Referans Kwoze

2 Timoteo 3:12

Napairap ya amin iray malabay a mambilay a masanto diad itombuk dad Cristo Jesus.

Juan 13:16

Ibabagak ed sikayoy katwaan: anggapoy aripen a napalabsanan toy katawan to. Anggapo met so ibabakin napalabsanan toy angibakid sikato.

Mateo 10:24

“Anggapoy babangatan a palabsanan toy bumabangat to; anggapo met so aripen a palabsanan toy amo to.

Ezekiel 3:7

Balet anggapod saray totood Israel so ondengel ed sika; ag da ak anggan dengelen. Anawet so olo tan puso ran amin.

2 CORINTO 4:9

Dakel iray mamapasegsegang ed sikami, balet ag kami nanaandiay kaaro; tutumbaen da kami no maminsan, balet ag kami nalalausan.

1 CORINTO 4:12

Mapalaloy kababanalan mid panagkimey mi. No nisasamba kami, mamibindision kami; no napapairap kami, itetepel mi;

Juan 8:51

Ibabagak ed sikayoy katwaan: say mangonur na salitak ag balut ompatey.”

Lucas 6:40

Anggapoy babangatan a palabsanan toy bumabangat to. Balet balang babangatan ya asumpal to lay aral to, mipara lad bumabangat to.

1 TESALONICA 2:15

Saray Judio so amatey ed Katawan a Jesus tan saray propita. Sikara met so amairap ed sikami. Makapaingungot irad Dios tan kalaban day amin a katoowan!

Juan 10:31

Kanyan anokdok lamet iray Judio na saray baton panupak dad sikato.

Juan 11:57

Ingganggan na saray manonan papari tan saray Pariseo a no walay makapikabat no iner so kawalaan nen Jesus, ibaga tod sikara pian naerel da.

Juan 8:59

Lapud saya, nandokdok iray baton panupak dad kinen Jesus, balet sinmanib insan la pinmaway ed Timplo tan tinmaynan.

Juan 7:32

Nadngel na saray Pariseo iray karaklan a mantotongtong na saray bengatlan nipaakar ed kinen Jesus, kanyan angibaki ra tan saray manonan papari na saray guardian mangerel ed sikato.

Juan 5:16

Lapud saya, ginapoan na saray Judio a pairapey Jesus, ta amaabig ed Agew na Panagpainawa.

Lucas 2:34

Binindisionan nen Simeon, tan inkuantod Maria ya ina nen Jesus, “Pinili na Dios yan ogaw a kaderalan o kilabanan na dakel a totood Israel. Sikatoy sakey a tandan manlapud Dios, balet sumpaen na amayamay a totoo,

1 Samuel 8:7

et inkuan na Katawan, “Onur mon amin so ibagay totoo ed sika. Aliwan sikay impolisay da; siak so impolisay da ya ari ra.

Juan 8:52

Inkuan da ray Judio ed sikato, “Ag kami la manduaruwa natan ya inaponan kay dimonyo! Inatey si ama min Abraham tan saray propita, balet ibabagam, ‘Say mangonur na salitak ag balut ompatey.’

Saray Gawgawa 14:22

Pinabiskeg day linawa na saray disipulo, tan binilin da a mansiansia ran matoor ed pananisia. Inkuanda met ed sikara, “Dakel iray nepeg tin palabasen ya irirap diad iloob tayod Panariay Dios.”

Marcos 10:39

“Nayarian mi,” ebat da. Inkuanen Jesus ed sikara, “Nayarian yoy oninom ed kupan inoman ko tan mampabinyag ed pampabinyagan ko,