Juan 15:19 - Maung A Balita Biblia

¹⁹ No kayaryan kayoy sankamundoan, aroen kayoy sankamundoan lapud kayaryan to kayo. Balet natan aliwa kayon kayaryay sankamundoan, no ag ta pinili ta kayon nanlapud sankamundoan, kanyan bobosulen kayoy sankamundoan.

Maung a Balita Biblia

¹⁹ No kayaryan kayoy sankamundoan, aroen kayoy sankamundoan lapud kayaryan to kayo. Balet natan aliwa kayon kayaryay sankamundoan, no ag ta pinili ta kayon nanlapud sankamundoan, kanyan bobosulen kayoy sankamundoan.

Juan 15:19 Referans Kwoze

Juan 15:16

Ag yo ak pinili; pinili tan tinoro ta kayon onla tan mambungay maando. Diad ontan, iter na Ama so amin a bengatlan kerewen yod ngaran ko.

1 Juan 3:12

Ag tayo nepeg ya aligey Cain a mananombuk na Diablo, tan pinatey toy agi to. Akin et pinatey nen Cain so agi to? On a, ta maoges iray gawgawa to, balet maung iray gawgawa na agi to.

Lucas 6:32

“No saray mangaarod sikayo labat so aaroen yo, anto niy tumang ya alagaren yo? Anggan saray makasalanan aaroen da met iray mangaarod sikara!

1 Pedro 4:3

Duga la may panaon a dinarak yo nen saman diad impanggagawa yoy labalabay a gawaen na saray Hintil; mabambanday a kagagawa, maoges a pilalek na laman, panagbuanges, alablabas a panagliket, panaginom na sankakaaro, tan say makarimdimlan panagdayew ed saray talintaoy diriyos.

Puyan 12:17

Diad pasnuk to may dragon, insoblay ton labanan iray atilak a kabyangay boleg to may bii, a salanti saray mangoonur ed ganggay Dios tan matoor ed katwaan ya imbawag nen Jesus.

Puyan 12:9

Nibantak imay balbaleg a dragon! Sikato man imay daan ya oleg a manngaray Diablo, o Satanas, ya amalikdo ed sankamundoan. Nibantak ed dalin, a pati saray anghil to.

Mateo 10:22

Lapud itotombuk yod siak, bosulen kayoy amin a totoo. Balet nilaban so toon mansiansian anggad kasamputan.

Mateo 24:9

“Erelen da kayon pairapen, insan da kayo ni pateyen. Bosulen kayoy amin a totoo lapud siak.

Juan 6:70

Inmebat si Jesus, “Sikayon labindua, ag ta siak so amilid sikayo? Anggaman ontan, sakey so diablo ed sikayo.”

Juan 13:18

“Aliwan para sikayon amin yan ibabagak; amtak iray pinilik. Balet nepeg a nasumpal so ibabagay Masanton Sulat, ‘Dinepakan ak na mimikan ed siak.’

Santiago 4:4

Totoon aliwan matoor! Ag yo ta amta a no mikaaro kid sankamundoan et labanan yoy Dios? Kanyan siopamay mikaarod sankamundoan, gawaen toy sikaton dili a kalaban na Dios.