Juan 15:11 - Maung A Balita Biblia

¹¹ “Imbagak ira yad sikayo, pian niwala ed sikayo so liket ko, tan nayadyari so liket yo.

Maung a Balita Biblia

¹¹ Imbagak ira yad sikayo, pian niwala ed sikayo so liket ko, tan nayadyari so liket yo.

Juan 15:11 Referans Kwoze

Saray Taga Roma 15:13

Say Dios a manangiter na ilalo panoen to kayo komuy liket tan kareenan lapud pananisia yod sikato, pian ombiskeg so ilalo yo diad panamegley na pakayariy Ispiritu Santo.

Juan 17:13

Natan onla ak lad sika; ibabagak ira ya leleg kon wadyad mundo, pian napanoy puso ra na liket ko.

Juan 16:24

Anggad natan ag kayo ni kinmerew na antokaman ed ngaran ko. Kerew kayo et makaawat kayo, pian magmaliw a nagnap so liket yo.”

1 Juan 1:4

Isusulat mi ra ya, pian magmaliw a nagnap so liket tayo.

1 Pedro 1:8

Anggaman ya ag yo anengneng, aaroen yo. Anggaman ya ag yo nanenengneng natan, manisia kayod sikato. Kanyan manlepwad puso yoy baleg a liket ya ag nayarin ibalikas,

2 Juan 1:12

Dakerakel ni komuy labay kon ibagad sikayo, balet aliwa lan diad panamegley na sulat, ta baleg so ilalok a makabisitad sikayo pian napilupaan ta kayo. Diad satan, magmaliw a nagnap so panliket tayo.

Juan 16:33

Imbagak yad sikayo, pian nawalaan kayoy kareenan diad pikasakey yod siak. Manirap kayo diad mundo, balet pabiskeg yoy linawa yo! Tinalok lay sankamundoan!”

2 CORINTO 1:24

Aliwan lapud ooleyan miy pananisia yo, ta malet ki lad pananisia yo, no ag ingen labay mi kayon tulongan, pian manliket kayod kabibilay yo.

1 TESALONICA 5:16

Manliket kayo lawas.

Lucas 15:32

Balet nakaukolan a manliket tan mampista itayo, ta inatey yay agim, balet mabilay la; abalang, balet nalmo la!’”

Lucas 15:9

No nalmo to la, tawagen to ray kakaaro tan saray kakaabay to. ‘Miliket kayod siak,’ ikuanto, ‘ta nalmok so kuartan abalang ko!’

FILIPOS 1:25

Ag ko ya panduaruwaan, kanyan amtak a mambilay ak ni tan ituloy koy pilimug kod sikayo, pian natulongan ta kid ibona tan iliket yo ed pananisia.

TAGA-EFESO 5:18

Ag ki mambuebuek na alak, ta manderal labat ed sikayo; pampelengan yo ingen so kapano yoy Ispiritu.

Juan 3:29

Say nubia kayaryan na nubio. Manalalagey ya ondengel so kaaro na nubio, tan manliket na baleg no narengel to lay bosis na nubio. Ontan to met a nagnap lay liket ko.

Lucas 15:5

No nalmo to la, sakbaten to diad pakaliliket to.

Lucas 15:23

Patey yo may pinataban kilaw a baka, ta mangan tan manliket itayo!

Jeremias 32:41

Panliketan koy panggawak na kamaungan ed sikara, tan pansiansiaen ko ran iletneg ed sayan dalin.

Isaias 53:11

Kayari na panirap to legan ton mambilay, nawalaan lamet na gayaga; naamtaan to ya aliwan andi-kakanaan so impanirap to. Say matoor ya aripen ko a pakakaliketan ko et sakbaten toy dusa na amayamay a totoo tan, lapud sikato, pirdonaen ko ra.

Sofonias 3:17

Walad sika so Katawan a Dios mo; panaloen ka na pakayari to. Manliket so Katawan ed sika, tan lapud panangaro to itdan to kay balon bilay Mankanta tan manliket ed sika,

Jeremias 33:9

Say Jerusalem et magmaliw a panlapwan na liket, galang, tan dayew ko; tan amin a bansa ed intiron mundo ontakot tan onggiwgiw ira no narengelan da ray nipaakar ed maabig a bengatlan gagawaen kod saray totood Jerusalem, tan say aligwas ya iiter kod siudad.”

Isaias 62:4

Ag ka la natawag na “Nikaindan,” Odino say dalin mo et natawag na “Say tinaynan ya Asawan Bii.” Say ngaran mo magmaliw a “Makakaliket so Dios ed Sikato.” Say dalin mo natawag na “Maliket a Naasawa,” Lapud makaliliket ed sika so Katawan Tan magmaliw kan singa asawan laki ed dalin mo.