Juan 15:10 - Maung A Balita Biblia

¹⁰ No onuren yo ray ganggan ko, mansiansia kayod arok; singa siak, oonuren ko ray ganggan nen Amak, kanyan mansiasiansia ak ed aro to.

Maung a Balita Biblia

¹⁰ No onuren yo ray ganggan ko, mansiansia kayod arok; singa siak, oonuren ko ray ganggan nen Amak, kanyan mansiasiansia ak ed aro to.

Juan 15:10 Referans Kwoze

Juan 14:15

“No inaro yo ak, onuren yo ray ganggan ko.

1 Juan 5:3

Ta say pangarod Dios kabaliksan toy pangonur tayod saray ganggan to. Et aliwan mairap ya onuren iray ganggan to,

1 Juan 2:5

Balet siopamay toon mangoonur na salitay Dios, talagan ayadyariy panangaro tod Dios. Dia tayo naamtaan a wala tayo ed Dios.

2 Pedro 2:21

Maung ni komun ya ag da akabatay dalan a maptek nen say, anta akabatan da la, et imbeneg day masanton ganggan a niiter ed sikara.

Juan 8:29

Kaibak so angibakid siak. Ag to ak tinaynan a mambukbukor, ta gagawaen ko lawas iray makapaliket ed sikato.”

Juan 4:34

Inkuanen Jesus ed sikara, “Say kanen ko say pangonur koy linawa na angibakid siak tan say panumpal koy kimey a pagagawa tod siak.

1 TESALONICA 4:1

Kaonuran, peteg a mambibilay kayon makapaliket ed Dios onung na naaralan yod sikami. Natan balet, kerewen tan simbawaen mi kayo diad ngaran na Katawan a Jesus, a lalon mambilay kayon makapaliket ed Dios.

Juan 17:4

Pinagalangan ta kad sankamundoan, tan inonur koy pagagawam ed siak.

Juan 14:31

Balet pian naamtaan na sankamundoan ya inarok so Ama, oonuren ko ray amin a ganggan tod siak. “Alagey kayo. Tila la!”

Juan 12:49

On, lapud ag ak nansalitad pakaoley kon dili. Say Ama ya angibakid siak so angiganggan no antoy nepeg kon salitaen tan ibaga.

Puyan 22:14

Maliket iray manlilinis na kawes da, pian naitdan iray kanepegan ya on-loob ed saray puirta na siudad tan mangan na bungay kiew na bilay.

Juan 14:21

“Say mangawat na saray ganggan ko tan onuren to ra, sikato so mangarod siak. Aroen na Amak so toon mangarod siak; sikatoy aroen ko met tan ipaamtak so inkasiak ed sikato.”

1 CORINTO 7:19

Anggapoy kakanaay inkasegat odino ag inkasegat. Say manona, say pangonur ed saray ganggan na Dios.

Saray Hebreo 7:26

Si Jesus sirin, so Pangulon Pari a mangiiter na saray nakaukolan tayo! Ta sikatoy masanto; anggapoy tilul o kasalanan to; nibiig ed saray makasalanan tan nitanduro ya anggad labas da ray katawenan.

Isaias 50:5

Say Katawan initdan to ak na pakatalus, et ag ak linmaban ed sikato odino inarawian ko.

Juan 8:55

Ag yo ni akabatan, balet kabkabat ko. No ibagak ya ag ko kabat, matila ak met a singa sikayo. Balet kabkabat ko tan oonuren koy salita to.

Juan 10:18

Anggapoy makaekal na bilay ko, balet isaklang kon manlapud siak a dili so bilay ko. Walay pakayarik a mangiter tan mamawiy bilay ko. Ingganggan nen Amak yan gawaen ko.”

Juan 14:23

Inmebat si Jesus, “Siopamay mangarod siak, onuren to ray salitak; sikatoy aroen nen Amak tan onla kamin manayam ed sikato.

1 Juan 2:3

No onuren tayo ray ganggan na Dios, andi-duaruwad satan a kabat tayoy Dios.

1 Juan 2:6

Siopamay toon mangibagan mansiasiansiad Dios, nepeg a mambilay a singa impanbilay nen Jesu-Cristo.

Exodo 7:6

Sinumpal di Moises tan Aaron so ingganggan na Katawan ed sikara.

2 Samuel 22:22

Tinoluk koy ganggan na Katawan; ag ko imbeneg so Dios ko.

2 Saray Arari 18:6

Matoor ed Katawan, ag ton balut sinumlang, no ag ingen inapiapiger ton inonur ya amin iray ganggan ya inter na Katawan ed kinen Moises.