Juan 13:21 - Maung A Balita Biblia

²¹ Kasumpal ya imbaga nen Jesus ira ya, agunigon so puso to tan inkuanto, “Ibabagak ed sikayoy katwaan: sakey ed sikayoy mantraidor ed siak.”

Maung a Balita Biblia

²¹ Kasumpal ya imbaga nen Jesus ira ya, agunigon so puso to tan inkuanto, Ibabagak ed sikayoy katwaan: sakey ed sikayoy mantraidor ed siak.

Juan 13:21 Referans Kwoze

Mateo 26:21

Leleg dan mangakan inkuanen Jesus, “Kuankod sikayo: mantraidor ed siak so sakey ed sikayo.”

Juan 13:18

“Aliwan para sikayon amin yan ibabagak; amtak iray pinilik. Balet nepeg a nasumpal so ibabagay Masanton Sulat, ‘Dinepakan ak na mimikan ed siak.’

Marcos 14:18

Nen wala rad lamisaan a mangakan, inkuanen Jesus, “Kuankod sikayo: sakey ed sikayo ran karongok natan so mantraidor ed siak.”

Juan 12:27

“Nagugunigon ak natan; anto kasiy ibagak? Ikuanko kasi, ‘Ama, ilaban mo ak ed oras na panliknak na kairapan’? Andi, ta say panliknak na kairapan so inakaran ko dia.

Juan 11:33

Atenyeg so puso nen Jesus tan agunigon nen anengneng ton mannangnangis si Maria tan saray Judion kakaiba to.

1 Juan 2:19

Sarayan totoo et aliwa ran tuan kabyangay moyungan tayo, kanyan tinaynan da itayo. No talagan kaiba tayo ra ed moyungan tayo, nansiansia ra komun ya akiolup. Balet tinmaynan ira, kanyan malinew ya amin da et aliwan kabyangay moyungan tayo.

Saray Gawgawa 17:16

Nen aalagaren nen Pablo si Silas tan si Timoteo ed Atenas, agunigon nen naimano ton napnoy diriyos iman a siudad.

Juan 13:2

Mamandem ira di Jesus tan saray disipulo to. Inseksek lan maung na Diablo ed puso nen Judas Iscariote, ya anak nen Simon, so pantraidor tod kinen Jesus.

Juan 11:38

Maerermen lamet si Jesus tan linmad lobuk ya inyongib a walay akasaran bato.

Juan 11:35

Nannangis si Jesus,

Marcos 3:5

Legan a nenengnengen nen Jesus iray totood kaliber-liber to, akapasnuk; balet nantaruk na ermen so pasnuk to, lapud kinaawet na puso ra. Inkuantod samay laki, “Iyonat moy limam.” Inyonat ton tuay lima to, tan inmabig ed saman a bekta.

Mateo 26:38

tan kuantod sikara, “Agaylay ermen ko tan ngalngalik la ipatey. Dia kayo tan mipuyat kayod siak.”

Juan 13:22

Nannenengnengan ira may disipulo, ta ag da amta no siopay labay ton ibaga.