Juan 13:19 - Maung A Balita Biblia

¹⁹ Ibabagak la yad sikayo natan kasakbayan a nagawa, pian no nagawa la, manisia kayon ‘Siak si Siak’.

Maung a Balita Biblia

¹⁹ Ibabagak la yad sikayo natan kasakbayan a nagawa, pian no nagawa la, manisia kayon Siak si Siak.

Juan 13:19 Referans Kwoze

Juan 14:29

Ibabagak la ya natan ed sikayo, kasakbayan a nagawa, pian sisiaen yo no nagawa la.

Isaias 43:10

“Totood Israel, sikayo ray tasik; pinili ta kayon aripen ko, pian nakabatan yo ak tan manisia kayo ed siak tan natalusan yo a Siak si Siak. Likud ed siak anggapo lay arum a dios nen saman, natan, tan anggan kapigan.

Juan 16:4

Ibabagak ira yad sikayo, pian no onsabi lay panaon na panggawa rad saraya, nanunotan yon pinasakbayan ta ki la.” “Ag ko ni imbaga ra yad sikayo nen inmona, lapud kaolup-olup ta kayo ni.

Isaias 48:5

Lapud saya impasakbay ko lan abayag so nagawad sika ed arapen; kasakbayan a nagawa ray bengatla imbabawag ko la ra, pian ag mo ipasen a saray talintao tan saray imahin na diriyos mo so angyabuloy a nagawa ra ya.

Juan 8:58

“Ibabagak ed sikayoy katwaan,” kuanen Jesus, “Kasakbayan a nianak si Abraham, ‘Siak et Siak.’”

Mateo 24:25

Tandaan yo! Imbagak la yad sikayo kasakbayan a nagawa.

Mateo 11:3

Tinepet dad kinen Jesus, “Ibagam pad sikami: sika may aalagden min onsabi o manalagar kami niy sananey?”

Malakias 3:1

Say Katawan a Makapanyarin-amin onebat, “Paonlaen koy ibabakik a mangiparaan na dalanen ko. Insan say Katawan ya anapen yo et biglan onsabi ed Timplo to. Onsabi so ibabaki a pampilpilalekan yon nanengneng tan ibawag toy sipanan ko.”

Juan 1:15

Nantasiy Juan na nipaakar ed sikato. Imbabando to, “Sikatoy labay kon ibaga nen kuankod sikayo, ‘Manona nen siak so manomtombuk ya onsalat ed siak, lapud wala la kasakbayan a nianak ak.’”

Lucas 21:13

Sikato yay pankanawnawa yon mantasid siak.

Isaias 41:23

Ibaga yod sikami no antoy nagawad arapen— pian nabirbiran mi a diriyos kayo! Manggawa kayoy antokaman a kamaungan odino antokaman a deral, et diad ontan ontakot tan onkelaw kami!

Juan 4:26

“Siak itan, siak a dilin mitotongtong ed sika,” ebat nen Jesus.

Juan 8:28

Kanyan inkuanen Jesus ed sikara, “No nibitin yo lay Anak na Too, nakabatan yo lad satan a ‘Siak si Siak’. Naamtaan yo met ya anggapoy gagawaen kon manlalapud siak a dili, no ag ingen sasalitaen koy imbangat na Amak.