Juan 13:18 - Maung A Balita Biblia

¹⁸ “Aliwan para sikayon amin yan ibabagak; amtak iray pinilik. Balet nepeg a nasumpal so ibabagay Masanton Sulat, ‘Dinepakan ak na mimikan ed siak.’

Maung a Balita Biblia

¹⁸ Aliwan para sikayon amin yan ibabagak; amtak iray pinilik. Balet nepeg a nasumpal so ibabagay Masanton Sulat, Dinepakan ak na mimikan ed siak.

Juan 13:18 Referans Kwoze

Saray Salmo 41:9

Anggan say sankaasinggeran a kaarok, samay pampipiaan kon maung, samay mimikan ed siak, et nantraidoran to ak.

Mateo 26:23

Inmebat si Jesus, “Say kabansag kon mangisasawsaw na lima tod aralem a plato, sikatoy mantraidor ed siak.

Juan 17:12

Nen kaibak ira inasikasok irad panamegley na pakayari na ngaran mon inter mod siak. Inasikasok ira, et anggapoy abalang ed sikara likud ed toon talagan nabalang, pian nasumpal so ibabagay Masanton Sulat.

Marcos 14:20

Inmebat si Jesus, “Sakey ed sikayon labindua, say kabansag kon mangisawsaw na tinapay ed aralem a plato.

Juan 13:26

Inmebat si Jesus, “No siopay pangitdan koy tinapay ya isawsaw ko, sikato.” Angalay tinapay sirin, insawsaw to, insan to inter ed kinen Judas ya anak nen Simon Iscariote.

Juan 6:70

Inmebat si Jesus, “Sikayon labindua, ag ta siak so amilid sikayo? Anggaman ontan, sakey so diablo ed sikayo.”

Juan 15:19

No kayaryan kayoy sankamundoan, aroen kayoy sankamundoan lapud kayaryan to kayo. Balet natan aliwa kayon kayaryay sankamundoan, no ag ta pinili ta kayon nanlapud sankamundoan, kanyan bobosulen kayoy sankamundoan.

Saray Hebreo 4:13

Anggapoy niamut ed Dios. Diad pakanengneng to, lokas tan malinew ya amin iray pinalsa, tan sikato so pangebatan tayod kabibilay tayo.

Juan 15:16

Ag yo ak pinili; pinili tan tinoro ta kayon onla tan mambungay maando. Diad ontan, iter na Ama so amin a bengatlan kerewen yod ngaran ko.

Mateo 10:36

Saray kalaban na sakey a too et saray kabyangan na pamilya to lamlamang.

Puyan 2:23

Pateyen ko met iray anak to, pian naamtaan na saray iglisia a siak so makaamta ed puso tan kanunotan da ray katoowan. Mangiter ak ed balang sakey ed sikayo, onung ed saray gawgawa to.

Juan 21:17

Pinitlo nen Jesus a tinepet, “Simon ya anak nen Juan, inaro mo ak?” Naermenay Pedro ta pinitlo nen Jesus a tinepet, “Inaro mo ak?” Kanyan kuantod kinen Jesus, “Katawan, amtam iray amin a bengatla; amtam ya inaro ta ka!” Inkuanen Jesus ed sikato, “Asikasom iray karnirok.

2 CORINTO 4:5

Ipupulong mi a Katawan si Jesu-Cristo; ag mi ipupulong so laman min dili. Aripen yo kami lapud kinen Jesus.

Jeremias 41:2

inoyus nen Ismael so ispada to tan saramay samploran lalaki, insan da pinatey si Gedalias.

Mateo 26:21

Leleg dan mangakan inkuanen Jesus, “Kuankod sikayo: mantraidor ed siak so sakey ed sikayo.”

Marcos 14:17

Nen labi la, sinmabiy Jesus tan saray labinduan disipulo to.

Marcos 14:18

Nen wala rad lamisaan a mangakan, inkuanen Jesus, “Kuankod sikayo: sakey ed sikayo ran karongok natan so mantraidor ed siak.”

Lucas 22:21

“Balet karongok natan so mantraidor ed siak!

Juan 13:21

Kasumpal ya imbaga nen Jesus ira ya, agunigon so puso to tan inkuanto, “Ibabagak ed sikayoy katwaan: sakey ed sikayoy mantraidor ed siak.”

Juan 13:22

Nannenengnengan ira may disipulo, ta ag da amta no siopay labay ton ibaga.

Juan 15:25

Balet nakaukolan yan nagawa, pian nasumpal so nisulat ed Ganggan da, ‘Binosul da ak ya anggapoy makasengeg.’

Juan 18:32

(Agawa ya pian nasumpal so imbaga nen Jesus nipaakar ed klasiy ipatey to.)

Juan 19:24

Nantotongtong ira may sondalo. Inkuanda, “Ag tayo ya pilaten. Pampapalaranan tayo, pian nanengneng no siopay makala.” Agawa ya pian nasumpal so ibabagay Masanton Sulat: “Nanaapagan da ray kawes ko, tan nampapalaranan day tunikak.” Kanyan onyay ginawa da ray sondalo.

Juan 19:36

Agawa ya pian nasumpal so ibabagay Masanton Sulat, “Anggapon balut so napoter a pokel to.”

Saray Gawgawa 1:2

ya anggad agew na impakaitagey tod tawen. Kasakbayan na impakaitagey to, binilin tod panamegley na Ispiritu Santo iray pinili ton apostol.

Saray Gawgawa 1:16

“Agagik, nakaukolan a nasumpal so walad Masantod Sulat ya imbaga na Ispiritu Santo, diad panamegley nen David, nipaakar ed kinen Judas ya angipangulo ed saray angerel ed kinen Jesus.