Juan 12:44 - Maung A Balita Biblia

⁴⁴ Inkuanen Jesus ed maksil a bosis, “Say toon manisiad siak et, aliwan siak et labat so panisiaan to, no ag ingen pati say angibakid siak et.

Maung a Balita Biblia

⁴⁴ Inkuanen Jesus ed maksil a bosis, Say toon manisiad siak et, aliwan siak et labat so panisiaan to, no ag ingen pati say angibakid siak et.

Juan 12:44 Referans Kwoze

Mateo 10:40

“Say mangawat ed sikayo awaten to ak met, tan say mangawat ed siak awaten to met so angibakid siak.

Juan 13:20

Ibagak ed sikayoy katwaan: say mangawat ed siopaman ya imbakik awaten to ak met, tan say mangawat ed siak awaten to met so angibakid siak.”

Juan 5:24

“Ibabagak ed sikayoy katwaan a siopamay ondengel ed salitak tan manisiad samay angibakid siak, walay bilay ton andi-anggaan; ag la nasintinsiaay dusa, lapud nilabasan to lay patey tan linmoob lad bilay.

Marcos 9:37

“Siopamay mangawat ed sakey a singa sayan ogaw lapud siak awaten to ak; tan siopamay mangawat ed siak, aliwan siak labat lay awaten to, no ag ingen pati say angibakid siak.”

1 Pedro 1:21

Diad panamegley to, manisia kayod Dios ya amaolid bilay tan amagalang ed sikato, et diad ontan niletneg ed Dios so pananisia tan ilalo yo.

Juan 7:28

Kanyan nen mambabangat si Jesus ed Timplo, inkuantod maksil a bosis, “Tua kasin kabat yo ak tan amta yoy nanlapwan ko? Ag nanlapud siak a dili so inyakar ko dia. Balet matway angibakid siak tan ag yo kabat.

Juan 11:43

Kasumpal ton imbaga ya, inmingal na maksil a kuanto, “Lazaro, paway ka!”

Probirbio 8:1

Dengel kayo! Mankokolyaot so kakabatan. Mambabando so pakatalus pian narengel yo.

Probirbio 1:20

Dengel kayo! Mankokolyaot ed saray dalan tan diad saray tindaan so kakabatan,

Marcos 9:23

Inkuanen Jesus, “On, no sikan dili et nayarian mo! Siopamay manisia, nayarian ton gawaey amin a bengatla.”