Juan 12:3 - Maung A Balita Biblia

³ Angalay Maria na sakey botilyan nankargay sakey libran mabmablin pabalingit a puron nardo. Inkalbo tod saray sali nen Jesus, insan to ra pinonasan na buek to. Kinmayat so balingit ed intiron abung.

Maung a Balita Biblia

³ Angalay Maria na sakey botilyan nankargay sakey libran mabmablin pabalingit a puron nardo. Inkalbo tod saray sali nen Jesus, insan to ra pinonasan na buek to. Kinmayat so balingit ed intiron abung.

Juan 12:3 Referans Kwoze

Juan 11:2

(Si Maria sikato ya may angikalboy pabalingit ed saray sali na Katawan tan pinonasan to ra na buek to.) Mansasakit si Lazaro,

Juan 11:32

Akasabiy Maria ed pasen a kawalaan nen Jesus. Nen anengneng toy Jesus, dinmakmomod saliyan to, tan kuanto, “Katawan, no wadya ka labat, ag komun inatey so agik!”

Lucas 7:46

Ag mo anggan nilarakay olok, balet sayan bii pinoyukan to ray salik na pabalingit.

Juan 11:28

Kapangibaga nen Marta ed saya, pinmawil ed abung. Tinawag toy agi ton Maria tan inyesaes to, “Wadya lay Maistro; patatawag to ka.”

Kanta nen Solomon 1:3

Ambalbalingit ka, singa mansamiong a pabalingit so ngaran mo. Kanyan amin a marikit aroen da ka.

Kanta nen Solomon 1:12

Nen mandokdokul so arik ed katri to samyong na pabalingit koy inmalingernger ed kaliber-liber.

Saray Salmo 132:2

Nunot mo pa, Katawan, so insipan to, say sinambaan tod sika, O Makapanyarin Dios nen Jacob:

Kanta nen Solomon 4:10

Agaylay samit so panangarom, O inarok tan nobiak. Masamit ni so panangarom nen say alak; anggapoy makapipara ed pabalingit mo.

Lucas 10:42

Saksakey so talagan nakaukolan! Pinili nen Maria so lalon maung a gawaen, tan ag ya naekal ed sikato.”

Juan 19:39

Akila met ed sikato si Nicodemo, samay linman aminsan ed kinen Jesus diad labi. Walay awit ton pabalingit ya impanlauk a mira tan aloe; sakey a limamplon kilo so belat to yan pabalingit.

Probirbio 27:16

Say pamatondam ed sikato et singa say pamatonda ed siplug na dagem odino say pangakup ed larak.