Juan 12:25 - Maung A Balita Biblia

²⁵ Say toon inaro toy bilay to naandid sikato, say too balet a mamosul ed bilay tod sayan mundo, mansiansiay bilay to ya anggad angga.

Maung a Balita Biblia

²⁵ Say toon inaro toy bilay to naandid sikato, say too balet a mamosul ed bilay tod sayan mundo, mansiansiay bilay to ya anggad angga.

Juan 12:25 Referans Kwoze

Mateo 10:39

Siopamay alablabas so pangaaro tod bilay to, nabalang to ni ingen; siopamay makabalang na bilay to nisengeg ed siak, naalmo to ni ingen.”

Lucas 17:33

Naandiy bilay so toon mampilalek a mangilaban ed bilay to; balet nilaban so toon naandi bilay to.

Marcos 8:35

Ta naandiay bilay so toon mangilaban na bilay to; balet nilaban so toon mangiter na bilay to makasengeg ed siak tan say Maung a Balita.

Mateo 16:25

Ta naandiay bilay so toon mangilaban na bilay to; balet nilaban so toon mangiter na bilay to nisesengeg ed siak.

Lucas 14:26

“Ag nayarin magmaliw a disipulok so sakey a toon ondagod siak, no say panangaro tod siak et ag ontalona ed panangaro tod ama tan say ina to, asawa tan saray anak to, agagi ton lalaki may bibii, tan say sikaton dili.

Puyan 12:11

Tinaloy agagi tayo so Diablo, diad panamegley na dala na Kordiro tan diad panamegley na impantasi rad katwaan; ag da kinawanay bilay da tan nilabay day anggan ompatey.

Mateo 19:29

Tan siopamay taynan toy abung, saray agagin lalaki o bibii, say ama o ina, saray anak, o saray dalin lapud siak—sikatoy natumangan a maminlasus tan tawiren toy bilay ya andi-anggaan.

Saray Gawgawa 20:24

Balet ipapasen kon anggapoy kuinta so bilay ko, dapot nasumpal koy kimey ko tan say inter na Katawan a Jesus a gawaen ko, salanti, say pampulong koy Maung a Balitan nipaakar ed baleg a panangaroy Dios.

Ecclesiastes 2:17

Kanyan impasen kon anggapoy kabaliksan so bilay, lapud gunigon labat so inter tod siak. Amin et andi-kakanaan; singa ak inmosil labat ed dagem.

Saray Gawgawa 21:13

Balet inmebat, “Akin et onaakis kayo? Ag yo kari papakapoyey liknaan ko! Aliwa ak labat a sipaparaan a pabalur ed Jerusalem no ag pati papatey lapud ngaran nen Jesus a Katawan.”

Saray Hebreo 11:35

Lapud pananisia, saray bibii inaawat da ray inaatey da ya inmoolid bilay. Wala ray arum a nilabay da niy ompatey ed kairapan nen say nabolus, pian onoli rad magmaung a bilay.