Juan 12:18 - Maung A Balita Biblia

¹⁸ Kanyan inmabet iray dakerakel a totoo ed kinen Jesus lapud nadngelan dan sikatoy nanggawad saman na milagro.

Maung a Balita Biblia

¹⁸ Kanyan inmabet iray dakerakel a totoo ed kinen Jesus lapud nadngelan dan sikatoy nanggawad saman na milagro.

Juan 12:18 Referans Kwoze

Juan 12:11

lapud dakel la ray Judio ya onsisian ed saray pangulo ra tan ontotombuk la rad kinen Jesus.

Lucas 19:37

Diad dalan a mamaleksab a manlapud Palandey na Kaolibaan, tan asingger lad Jerusalem, amin da ra may disipulo inmeeyag irad liket da tan indadayew day Dios, lapud saray amin a makapanyarin gawgawan anengneng da:

Juan 2:11

Sayan ginawa nen Jesus dimad Cana ed Galilea et onona-ona ed saray milagron ginagawa to. Diad panamegley na sayan agawa impatnag nen Jesus so kagalangan to, kanyan anisiad sikato ray disipulo to.

Juan 6:2

Dakerakel iray totoon tinmombuk ed sikato, lapud anengneng da ray makapakelaw a ginagawa to diad impamaabig tod saray mansasakit.

Juan 12:12

Kaimbwasan, nadngelan na dakerakel a totoon akipaskua a si Jesus et mamapaarap ed Jerusalem.

Juan 12:19

Inkuan sirin na saray Pariseo ed sakey tan sakey, “Anggapo lay nagawaan tayo! Nengneng yo, ontotombuk la ray amin a totood sikato!”