Juan 11:44 - Maung A Balita Biblia

⁴⁴ Pinmaway imay inatey ya aputipotay abel iray lima tan sali to, tan aponggus na abel so lupa to. Inkuanen Jesus ed sikara, “Okbaran yo tan paolyan yon manakar.”

Maung a Balita Biblia

⁴⁴ Pinmaway imay inatey ya aputipotay abel iray lima tan sali to, tan aponggus na abel so lupa to. Inkuanen Jesus ed sikara, Okbaran yo tan paolyan yon manakar.

Juan 11:44 Referans Kwoze

Juan 5:25

Ibagak ed sikayoy katwaan: onsabiy oras, ginmapo la ingen, a narengel na saray inaatey so bosis na Anak na Dios, tan mambilay iray makadngel.

Juan 20:7

Anengneng to met so abel ya impamalkut ed olo nen Jesus, balet alokut tan akabiig ed saray sidan abel.

FILIPOS 3:21

Diad sayan ipawil to, salatan to yay magter a laman tayo na singa laman ton mapagalang. Gawaen to ya, diad panamegley na pakayarin pakapasuko tod pakaoley to na saray amin a bengatla.

Juan 10:30

Siak tan say Ama, saksakey kami.”

Juan 5:21

Ta no panoy pamabilay na Ama ed saray inaatey, ontan met a pabilayen na Anak so siopaman a labay ton pabilayen.

Lucas 7:15

Inmalagey imay inatey tan ginapoan toy mansalita, tan inter nen Jesus ed samay ina to.

1 Samuel 2:6

Say Katawan mamatey tan mamabilay; ibaki tod pasen a panaayaman da ray inaatey iray totoo, tan agwaten to ra.

Genesis 1:3

Insan inkuan na Dios, “Onlesa so liwawa”—et linmesay liwawa;

Puyan 1:18

Siak so mabilay! Inatey ak balet, nengneng mo, mabilay ak ya anggad angga. Walad silong na pakayarik so patey tan say Hadis.

Juan 19:40

Inala ra so bangkay nen Jesus tan ininan day pabalingit legan dan babalkutey abel a sida onung ed panangipompon da ray Judio.

Marcos 5:43

Impurpurek nen Jesus ya anggapoy pangibagaan dan balut na sayan agawa. Insan kuanto, “Itdan yoy kanen to.”

Oseas 13:14

Ag ko ra ilaban ed pakayari na pasen a panaayaman da ray inaatey odino iyagel ira ed pakayari na patey. O patey, ipadalan mo lay salot mo! O pasen a kawalaan da ray inaatey, ipadalan mo lay panagderal mo! Ag ko la kasian ira yan totoo.

Saray Salmo 33:9

Nen nansalita, apalsay mundo; nen nangganggan, linmesay amin a bengatla.

Juan 20:5

Yinmokon ninmengneng ed dalem na lobuk. Anengneng to ray abel a sida ya akagaton diman, balet ag linmoob.

Juan 11:39

“Ipaliis yoy bato!” ingganggan nen Jesus. Inmebat si Marta ya agi to may inatey, “Katawan, maoges lay angub to natan, ta apat agew to lad dalem!”

Lucas 19:20

Wala niy sakey a katulong a sinmabi tan inkuanto, ‘Katawan, nia may inter mod siak a kuarta. Pinonggus kod panyo.

Juan 11:43

Kasumpal ton imbaga ya, inmingal na maksil a kuanto, “Lazaro, paway ka!”