Juan 10:6 - Maung A Balita Biblia

⁶ Sinalita nen Jesus yan alimbawad sikara, balet ag da atalusay labay ton ibaga.

Maung a Balita Biblia

⁶ Sinalita nen Jesus yan alimbawad sikara, balet ag da atalusay labay ton ibaga.

Juan 10:6 Referans Kwoze

Isaias 56:11

Singa ra masisiban aso ya ag balut napepesel. Anggapoy pakatalus da ra yan pangulo. Gagawaen na balang sakey ed sikara so labay to tan say dilin pankaabigan to so aanapen to.

Probirbio 28:5

Saray totoon maoges ag da amta so kabaliksan na inkatonung, balet saray mangigagalang ed Katawan sigput dan natatalusan.

Saray Salmo 82:5

“Anggapoy amta yo! Ag ki makatalus! Sigput so inkaoges yo, tan naandi lay inkatonung diad tapew na dalin.

Juan 16:25

“Imbagak ira yad sikayo diad panamegley na alimbawa. Balet onsabiy panaon ya ag ko la mansalitay onya, no ag ta ibagak lan malinlinew ed sikayoy nipaakar ed Ama.

Mateo 13:51

Tinepet nen Jesus ed sikara, “Natatalusan yo ra yan amin?” “On,” ebat da.

Daniel 12:10

Amayamay iray totoon nalinisan. Ag natalusan na saray totoon maoges, balet ituloy day panggagawa ray kaogsan; saray makabat labat so makatalus.

Saray Salmo 106:7

Ag atalusan na saray lalaki mid Egipto iray makapakelkelaw a gawgaway Dios; alingwanan da ray amimpiga-pigan impanengneng na Dios a panangaro tod sikara, tan sinumlang da so Makapanyarin-amin diad Dayat ya Ambalanga.

1 Juan 5:20

Amta tayo a linma diay Anak na Dios tan initdan to itayoy pakatalus, pian naamtaan tayoy tuan Dios. Wala itayod tuan Dios—diad Anak ton Jesu-Cristo. Sikato yay tuan Dios, tan sikato yay bilay ya andi-anggaan.

1 CORINTO 2:14

Ta say toon anggapod sikatoy Ispiritu ag to awaten iray bengatlan iter na Ispiritu na Dios. Diad tuay tua, ag to ra natalusan; anggapoy kabaliksan da ra yad sikato, ta saray maispiritun bengatla natalusan ira labat diad panamegley na maispiritun panagnunot.

Juan 8:43

Akin et ag yo natatalusay ibabagak? Lapud ag ki ondengel na salitak.

Juan 8:27

Ag da atalusan a say sasalitaen tod sikara et nipaakar ed Ama.

Juan 7:36

Ibabaga ton anapen tayo, balet ag tayo narumog tan ag itayo makaonla ed laen to. Anto kasiy labay ton ibagad saya?”

Juan 6:60

Nadngel ya na saray disipulo to tan dakel iray nankuan, “Mairap yan bangat! Siopa kasiy makatalus ed saya?”

Juan 6:52

Lapud saya, ginmapoy ampetang a sangsangan da ray Judio. “Panoy pangiter to yan too na laman to a kanen tayo?” tinepet da.

Mateo 13:34

Amin iray imbaga nen Jesus ed totoo imparalan tod saray alimbawa. Anggapoy imbaga tod sikara ya ag imparalan ed alimbawa.

Marcos 4:34

Ag to nampulong no ag imparalan ed alimbawa. Balet no bukbukor to la tan saray disipulo to, ipaliwawa ton amin ed sikara.

Juan 16:29

Inkuan ed satan na saray disipulo to, “Mansasalita ka lan malinew natan, aliwan diad panamegley na alimbawa.

2 Pedro 2:22

Diad onya, matokutokuy ed sikara so ibabaga na sayan oliran, “Say aso papawilen ton kaney inota to,” tan, “Say baboy ya inames papawilen toy tiblakan to.”