Juan 10:5 - Maung A Balita Biblia

⁵ Ag ira ontombuk ed sananey; ibatikan da ni ingen, ta ag da kabat so bosis da ray arum.”

Maung a Balita Biblia

⁵ Ag ira ontombuk ed sananey; ibatikan da ni ingen, ta ag da kabat so bosis da ray arum.

Juan 10:5 Referans Kwoze

Puyan 2:2

Amtak iray ginagawam; tan amtak no panoy impankekesaw tan impanaanos mo. Amtak ya ag mo ra naanosay maoges a totoo. Sinubok mo ray mangibabagan apostol ira anta andi, tan nalmoan mon matila ra.

Marcos 4:24

Insan inkuantod sikara, “Talusan yon maung so narerengel yo. No panoy panukat yod arum a totoo, ontan met so panukat na Dios ed sikayo—lalon mapeget ni ingen.

Probirbio 19:27

Anak ko, no tondaan moy manaral, nalingwanan mo la ray inaral mo.

1 Juan 2:21

Susulaten ta kayo, aliwan lapud ag yo amtay katwaan, no ag ingen lapud amta yoy katwaan. Kabat yo met ya anggapoy tila a manlapud katwaan.

1 Saray Arari 22:7

Balet tinepet nen Josafat, “Anggapo ta lay sananey a propita na Katawan a pangipanonan tayo?”

1 Juan 2:19

Sarayan totoo et aliwa ran tuan kabyangay moyungan tayo, kanyan tinaynan da itayo. No talagan kaiba tayo ra ed moyungan tayo, nansiansia ra komun ya akiolup. Balet tinmaynan ira, kanyan malinew ya amin da et aliwan kabyangay moyungan tayo.

2 Timoteo 4:3

Ta onsabiy panaon a saray totoo et ag da naanosan a dengelen so tuan bangat, no ag ta onuren da lay labay da, tan mangala ra na saray bumabangat ya anggapoy arum ya ibangat da no ag saray labalabay dan dengelen.

Lucas 8:18

“Kanyan asikaso yoy karerengel yo. Ta say toon wala lay bengatlad sikato, naaruman niy walan bengatlad sikato; balet say toon anggapoy bengatlad sikato, naala so anggan say dagdaiset a bengatlan ipapasen to a walad sikato.”

Juan 10:4

No nipaway to la ran amin, manaakar a walad onaan da. Totombuken da ta kabat day bosis to.

Juan 10:16

Wala ni ray arum a karnirok ya andi rad sayan koral. Nakaukolan ya ipitipon ko met ira. Dengelen da met so bosis ko tan diad onya, magmaliw a saksakey so poluk tan saksakey met so managpastol.