Juan 10:34 - Maung A Balita Biblia

³⁴ Inmebat si Jesus, “Ag ta nisulat ed saray Ganggan yo a say Dios kuanto, ‘Sikayo ray diriyos’?

Maung a Balita Biblia

³⁴ Inmebat si Jesus, Ag ta nisulat ed saray Ganggan yo a say Dios kuanto, Sikayo ray diriyos?

Juan 10:34 Referans Kwoze

Exodo 7:1

Say Katawan kuanto, “Pagmaliwen ta kan singa Dios ed ari, tan si kuyam ya Aaron so pagmaliwen kon propitam a misalita ed sikato.

Saray Salmo 82:1

Say Dios so pangulod mangatatawen a korti; sikatoy mangiiter na sintinsia no mantitipon iray diriyos:

Exodo 4:16

Sikatoy mangiyalagey ed sika tan isalitaan to kad saray totoo; singa kad satan Dios ya ibagam ed sikato so salitaen to.

Saray Salmo 138:1

Katawan, misasalamat ak ed sika ed intiron pusok; Kakantaan ta kay panangidayew diad arap da ray diriyos.

Exodo 22:28

“Ag kayo mansasalita na maoges sumpad Dios, tan ag yo isasamba so pangulo na saray totoo yo.

Juan 8:17

Sakey ni, nisulat ed Ganggan yo a no mantukoyay pantasiy duaran too, tuay pantatasi ra.

Juan 15:25

Balet nakaukolan yan nagawa, pian nasumpal so nisulat ed Ganggan da, ‘Binosul da ak ya anggapoy makasengeg.’

Juan 12:34

Inmebat iray totood sikato, “Nadngel mid Ganggan a say Cristo mansiansiad ando lan ando. Panoy pangibagam sirin a nibitin so Anak na Too? Siopa ta yay Anak na Too?”

1 CORINTO 14:21

Onyay walad Masanton Sulat, “Inkuay Katawan: mansalita ak ed sayan bansa, diad panamegley na totoon nandoromay salita ra, diad panamegley na saray bibil na totoon nanlapud arum a bansa. Anggaman ontan, ag da ak dengelen.”

Juan 10:35

Amta tayo ya ag nayarin paandien so ibabaga na Masanton Sulat. Say Dios tinawag toy diriyos iray angitdan toy salita to.