Juan 10:21 - Maung A Balita Biblia

²¹ Balet inkuanday arum, “Ag makapansalitay onya so toon inaponay dimonyo! Nayarian kasi na dimonyo so mangiter na pakanengneng ed saray bulag?”

Maung a Balita Biblia

²¹ Balet inkuanday arum, Ag makapansalitay onya so toon inaponay dimonyo! Nayarian kasi na dimonyo so mangiter na pakanengneng ed saray bulag?

Juan 10:21 Referans Kwoze

Exodo 4:11

Inkuan na Katawan ed sikato, “Siopay nanggawa na sangiy too? Siopay nanggagawa a telek tan omel so too? Siopay mangiiter na pakanengneng tan say pakabulag ed too? Aliwa tan siak a Katawan?

Mateo 11:5

saray bulag makakanengneng ira, saray lopuy makakaakar ira, saray akating onaabig ira, saray telek makakadngel ira, saray inaatey nabibilay ira, tan saray mairap-bilay nipupulong ed sikara so Maung a Balita.

Saray Salmo 94:9

Pinalsa na Dios iray layag tayo—ag to makadngel? Pinalsa to ray mata tayo—ag to makanengneng?

Juan 9:6

Kapangibaga to ya, linmukdad dalin. Ginawa ton pitek imay lukda to, insan to imporanis ed saray mata to may bulag.

Mateo 4:24

Kinmayat ed intiron Siria so balitan nipaakar ed kinen Jesus, kanyan inaawit dad sikaton amin iray mansasakit tan amin iray manlilikna na kairapan: saray totoon inaponay dimonyo, saray dumurulot, tan saray paralitiko. Pinapaabig nen Jesus iran amin.

Probirbio 20:12

Say Katawan initdan to itayo na saray mata a pannengneng, tan saray layag a pandengel.

Saray Salmo 146:8

tan iitdan toy pakanengneng iray bulag. Itatanduro to ray atumba; aaroen to ray matonung a totoo to.

Exodo 8:19

tan inkuan na saramay managsalamangka ed ari, “Say Dios so nanggawad saya!” Balet anawet nin siansia so puso na ari tan onung na imbaga lay Katawan, ag dinmengel so ari ed kindi Moises tan Aaron.

Juan 10:22

Sinmabiy Pistay Panangibagat diad Jerusalem. Panaon na ambetel ed saman.