Juan 1:7 - Maung A Balita Biblia

⁷ Linma diay Juan a mamaneknek na nipaakar ed silew, pian diad panamegley to manisiay amin a katoowan.

Maung a Balita Biblia

⁷ Linma diay Juan a mamaneknek na nipaakar ed silew, pian diad panamegley to manisiay amin a katoowan.

Juan 1:7 Referans Kwoze

Saray Gawgawa 19:4

Inkuanen Pablo, “Say binyag nen Juan et para saray totoon nagbabawid saray kasalanan da. Imbaga tod saray totood Israel a nepeg day manisia ed samay ontotombuk ya onsalat ed sikato, a si Jesus.”

Juan 1:36

Nen anengneng ton manaakar si Jesus inkuanto, “Niay Kordiro na Dios!”

Juan 1:12

Balet inter tod amin ya angawat, saray amin ya anisiad sikato so pankanepegan a magmaliw ya anak na Dios.

Juan 1:9

Onsasabi diad mundo so tuan silew tan sikatoy mangiiter na liwawa ed saray katoowan.

Juan 1:15

Nantasiy Juan na nipaakar ed sikato. Imbabando to, “Sikatoy labay kon ibaga nen kuankod sikayo, ‘Manona nen siak so manomtombuk ya onsalat ed siak, lapud wala la kasakbayan a nianak ak.’”

2 Pedro 3:9

Say Katawan ag to babayagen a gawaen so insipan to, a singa nababaloay arum. Aanosan to kayo, ta ag to labay a walay nadusa, no ag ingen labay ton ibeneg na amin komun iray kasalanan da.

Tito 2:11

Ta impaamta na Dios so baleg a panangaro to a mangiter na kilalaban ed amin a katoowan.

TAGA-EFESO 3:9

tan mangipalinew ed amin a katoowan na nipaakar ed pangikanay maamut a plano na Dios. Saya et abaybayag lan inyamut na Dios a Manamalsay amin a bengatla,

1 Timoteo 2:4

a labay ton nilaban ya amin iray katoowan tan nakabatan day katwaan.

Juan 1:19

Saray Judio ed Jerusalem angibaki ray pigaran papari tan Levita ed kinen Juan. Tinepet dad sikato, “Siopa ka?”

Malakias 3:1

Say Katawan a Makapanyarin-amin onebat, “Paonlaen koy ibabakik a mangiparaan na dalanen ko. Insan say Katawan ya anapen yo et biglan onsabi ed Timplo to. Onsabi so ibabaki a pampilpilalekan yon nanengneng tan ibawag toy sipanan ko.”

TAGA GALACIA 3:26

Diad panamegley na pananisia yod Cristo Jesus, anak kayon amin na Dios.