Juan 1:19 - Maung A Balita Biblia

¹⁹ Saray Judio ed Jerusalem angibaki ray pigaran papari tan Levita ed kinen Juan. Tinepet dad sikato, “Siopa ka?”

Maung a Balita Biblia

¹⁹ Saray Judio ed Jerusalem angibaki ray pigaran papari tan Levita ed kinen Juan. Tinepet dad sikato, Siopa ka?

Juan 1:19 Referans Kwoze

Juan 10:24

Minokut na saray Judio tan tinepet dad sikato, “Panduaruwaen mo kami nin mabayag kasi? No sika so Cristo, ibagam lan malinlinew ed sikami.”

Saray Gawgawa 19:4

Inkuanen Pablo, “Say binyag nen Juan et para saray totoon nagbabawid saray kasalanan da. Imbaga tod saray totood Israel a nepeg day manisia ed samay ontotombuk ya onsalat ed sikato, a si Jesus.”

Saray Gawgawa 13:25

Nen magano lan nasumpal so kimey nen Juan, imbaga tod saray totoo, ‘Antoy abaloan yod siak? Aliwan siak so Cristo, balet sikatoy onsabin onsalat ed siak tan ag ak manepeg ya anggan mangekal na sandalya to.’

Juan 2:18

Dinmago sirin iray Judio ed sikato tan tinepet da, “Anton milagro so nipanengneng mod sikami a mamaneknek na pankatonungan mon manggawad saraya?”

Juan 5:10

kanyan imbaga na saray Judio ed samay toon inmabig, “Agew na Panagpainawa natan! Ag mo nepeg a libiten so dokulan mo. Sumpad Ganggan itan.”

Juan 6:52

Lapud saya, ginmapoy ampetang a sangsangan da ray Judio. “Panoy pangiter to yan too na laman to a kanen tayo?” tinepet da.

Juan 6:41

Ngoro-ngoro ray Judio ed sikato lapud samay imbaga ton sikatoy tinapay a nanlapud tawen.

Deuteronomio 24:8

“No akating kayo, apiapiger yon tombuken so ibagad sikayo na Levitan pari; sumpal yo ray bilin ya intilak kod sikara.

Juan 1:7

Linma diay Juan a mamaneknek na nipaakar ed silew, pian diad panamegley to manisiay amin a katoowan.

Juan 2:20

Inkuan na saray Judio, “Anto, ipaalagey mod loob na taloy agew? Nipaalagey yan Timplo ed loob na apataplo tan anem a taon!”

Juan 5:15

Tinmaynan imay toon apaabig tan imbaga tod saray Judio a si Jesus so amaabig ed sikato.

Juan 5:16

Lapud saya, ginapoan na saray Judio a pairapey Jesus, ta amaabig ed Agew na Panagpainawa.

Juan 5:18

Lalon binmiskeg so getma da ray Judio a mamatey ed kinen Jesus, lapud anta sinumlang to lay Ganggan na Agew na Panagpainawa, impara to niy inkasikatod Dios diad impangibaga ton say Dios et Ama to.

Juan 7:1

Kasumpal na sarayan bengatla, niliber-liber nen Jesus so Galilea. Ag to labay so onlad Judea lapud labay a pateyen na saray Judio.

Juan 7:11

Aanapen sirin na saray Judio ed pista. Tinepet da, “Iner so kawalaan to?”

Juan 7:15

Mankelaw iray Judio tan kuanda, “Akin et amayamay so amta to yan too, anta ag balut nanaral?”

Juan 8:22

Kanyan inkuan da ray Judio, “Mambikkel kasi lapud imbaga ton ag itayo makaonlad laen to?”

Juan 8:48

Inmebat iray Judio ed kinen Jesus, “Ag kasi tuay ibabaga min Samaritano ka, tan inaponan kay dimonyo?”

Juan 8:52

Inkuan da ray Judio ed sikato, “Ag kami la manduaruwa natan ya inaponan kay dimonyo! Inatey si ama min Abraham tan saray propita, balet ibabagam, ‘Say mangonur na salitak ag balut ompatey.’

Juan 8:57

Lapud saya inkuan da ray Judio, “Anggapo niy limamploy taon mo, anengneng mo lay Abraham?”

Juan 10:31

Kanyan anokdok lamet iray Judio na saray baton panupak dad sikato.

Juan 11:19

Dakel iray Judio a linman manligliwa ed kindi Marta tan Maria, lapud impatey nen Lazaro ya agi ra.

1 Juan 1:5

Saya so balitan nadngel mid Anak to, tan ipapakabat mid sikayo: Silew so Dios tan anggapon balut so kabilongetan ed sikato.