Josue 8:10 - Maung A Balita Biblia

¹⁰ Angabkabwasan a binmangon si Josue tan impantitipon to ray sondalo. Insan sikato tan saray pangulo na Israel inwanwan da ran linma ed Ai.

Maung a Balita Biblia

¹⁰ Angabkabwasan a binmangon si Josue tan impantitipon to ray sondalo. Insan sikato tan saray pangulo na Israel inwanwan da ran linma ed Ai.

Josue 8:10 Referans Kwoze

Saray Salmo 119:60

Ag ak manaabala no ag ta gaganatan ko ya onuren iray ganggan mo.

Josue 7:16

Diad kabkabwasan na ontombuk ya agew si Josue pinarago tan nansosoblay iray tribu na Israel, et say tribu nen Juda so apili.

Josue 6:12

Diad ontombuk ya agew asaksakbay a binmangon si Josue. Singa samay imbeneg ya agew niliber day siudad ira may papari tan saray sondalo, a namparay impantotombukan da: onona, saray guardiad bandad onaan; ontombuk, saray pitoran papari a mamapaknul na saray trumpita; insan saray paparin manasakbat na Kaban na Sipanan na Katawan; tan diad kaonuran, saray guardiad bandad beneg. Legan dan liliberen so siudad napapaknul iray trumpita.

Josue 3:1

Diad kaimbwas si Josue tan amin ya Israelita asaksakbay iran binmangon, tinaynan da may kampod Acacia, tan linma rad Jordan, a dimay nankampoan da legan na impanalagar dad ibaliw da.

Genesis 22:3

Diad kabkabwasan na ontombuk ya agew, nambelang si Abraham na kiew a para bagat, intapew tod asno to, tan intagar toy Isaac tan saray duaran aripen to. Ginapwan day amaarap ed samay pasen ya imbagay Katawan.

Josue 8:9

Kanyan imbaki la ra nen Josue, tan linma la rad nanamutan da ed bokig na Ai, a nampegleyan na Betel tan Ai, tan nanalagar irad man. Inmogip nid kampo ed saman a labi si Josue.

Josue 8:11

Saray sondalo tan si Josue linma ran amaarap ed lolooban na siudad tan nankampo ra ed bandad baybay; maawang a patar so akileetan dad Ai.