Josue 7:24 - Maung A Balita Biblia

²⁴ Si Josue tan amin a totood Israel siningkat day Acan, samay pilak, samay kolibemben, samay baritan balituk, pati saray lalaki tan saray bibiin anak nen Acan, saray baka to, saray asno to, saray karniro to, samay tulda to, tan saray arum nin kayaryan to; insan da ra inyakar ed Patar na Gunigon.

Maung a Balita Biblia

²⁴ Si Josue tan amin a totood Israel siningkat day Acan, samay pilak, samay kolibemben, samay baritan balituk, pati saray lalaki tan saray bibiin anak nen Acan, saray baka to, saray asno to, saray karniro to, samay tulda to, tan saray arum nin kayaryan to; insan da ra inyakar ed Patar na Gunigon.

Josue 7:24 Referans Kwoze

Probirbio 15:27

Say toon masaol mangiiter na gunigon ed pamilya to. Ag ka mangaawat na pasoksok, et andokey so bilay mo.

Oseas 2:15

Ipawil kod sikato may kaubasan a kayaryan to nen saman, tan pagmaliwen kon puirta na ilalo so Patar na Gunigon. Ebatan to ak diman a singa samay ginawa to nen malangwer ni, sanen sikatoy pinmaway a nanlapud Egipto.

Isaias 65:10

Igalang da ak tan ipastol da ray karniro tan saray baka ra ed Patar na Saron diad sagur tan diad Patar na Gunigon diad bokig.

Josue 15:7

manlapud Patar na Acor ya anggad Debir, insan onlikod baybay a mamaarap ed Gilgal ya akaarap ed Dalan na Adumim diad abalaten a dapag na patar. Manlapu dia ontuloy ed saray sobul na En-semes, insan diad En-rogel,

Josue 7:26

Tinabunan day ankakabaleg a bato si Acan; wadman ni ra yan bato ya anggad natan. Sikato yay makasengeg a sayan pasen et atawag na Patar na Gunigon. Lapud sayan agawa kinmepa so mapalalon pasnuk na Katawan.

Exodo 20:5

Ag ka ondadakmomo odino mangigagalang ed saraya, ta siak, say Katawan a Dios mo, et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.

Ecclesiastes 5:13

Saya niy makapasinagem a kaogsan ya anengneng kod sayan mundo; saray katoowan mantitipon ira na kayamanan ya ikana ra ed panaon a pankaukolan da.

Say Libro nen Job 20:15

Say maoges a too iyoota toy kayamanan a tinatakew to; babawien na Dios ya alaen anggan walad dalem na eges to.

Josue 7:1

Ag asumpal imay ganggan na Katawan ed saray Israelita ya ag iran balut mangala ed Jerico na antokaman a nepeg a deralen, ta angala si Acan. Lapud saya mapalaloy pasnuk na Katawan ed sikara. (Si Acan et anak nen Carmi tan apo nen Sabdi, tan kabyangan na boleg nen Zera a kabyangan na tribu nen Juda.)

Josue 6:21

Pinapatey dad panamegley na ispada iray amin a walad siudad, lalaki may bibii, malangwer may matakken. Pinapatey da met iray baka, karniro, tan saray asno.

Josue 6:18

Balet ag kayo mangaala na antokaman a nepeg a deralen; no mangala kayo, ondalan so gunigon tan deral ed kampo na Israel.

Genesis 18:25

Andi-duaruwan ag mo pipatey iray matonung ed saray maoges. Ag nayarin balut a gawaen moy ontan. Ta no gawaen mo, napidusa ray matonung ed saray maoges. Ag nayarin balut! Ag ta matonung so huis na intiron mundo?”

Josue 7:23

Impaway da rad tulda, inawit da rad kinen Josue tan amin ya Israelita, tan inggaton da rad arap na Katawan.

Josue 22:20

Ag yo ta nanunotan imay ag impangonur nen Acan a lakin anak nen Zera ed ganggan a nipaakar ed saray bengatlan nepeg a deralen, et adusa so intiron totood Israel? Aliwan si Acan labat so inatey lapud samay kasalanan to.”