Josue 6:5 - Maung A Balita Biblia

⁵ Insan mamaknul ira na sakey a maksil a tunon andokorokey. Kadngel yod satan a tanul, oneyag na makmaksil iray amin a totoo, et nageba ray padir na siudad. Insan onkalab ed siudad iray amin a sondalo.”

Maung a Balita Biblia

⁵ Insan mamaknul ira na sakey a maksil a tunon andokorokey. Kadngel yod satan a tanul, oneyag na makmaksil iray amin a totoo, et nageba ray padir na siudad. Insan onkalab ed siudad iray amin a sondalo.

Josue 6:5 Referans Kwoze

Saray Hebreo 11:30

Lapud pananisia, nagba ray padir na Jerico, kasumpal a niliber-liber na saray Israelita ed loob na pitoy agew.

Exodo 19:19

Kinmasil lan kinmasil so tanul na trumpita. Nansalitay Moises, et inmebat ed sikato so Dios diad panamegley na karul.

1 Samuel 17:52

Inoosilan ira na saray totoo ed Israel tan Juda; naneeyag ira tan inoosilan da ra ya anggad Gat tan saray puirta ed Ecron. Saray Filisteo kibalatar iran sugatan ed dalan a mamaarap ed Saaraim ya anggad Gat tan Ecron.

1 Samuel 17:20

Diad kaimbuas, asaksakbay a binmangon si David, impaasikaso tod sananey a too iray karniro, inala to may kakanen, tan linma la, onung na imbaga nen Jesse ed sikato. Nen sinmabid kampo, duga-rugan mandarasig lan mibakal iray Israelita tan maneeyag-eyag ira.

1 Samuel 4:5

Nen sinmabiy Kaban na Sipanan, ayegyeg so dalin diad kasil na maliket ya impaneyag-eyag da ray Israelita.

Josue 6:20

Kanyan pinaknul na saray papari iray trumpita. Kadngel ed saya na saray totoo, inmeyaeyag ira, et ageba ray padir. Insan amin a sondalo kinmalab irad siudad, et adakep da.

Josue 6:16

Diad kumapiton liber da, nen kuan lan paknulen na saramay papari iray trumpita, ingganggan nen Josue iray totoo to ya oneyag ira, tan kuanto, “Inter lad sikayo na Katawan so siudad!

Jeremias 50:15

Diad kaliber-liber to eyag kayoy para bakal sumpad sikato. Sinmuko la so Babilonia. Ageba tan alooban la ray padir to. Siak, so ombabawi ed saray taga Babilonia. Kanyan bawi kayod sikara, tan gawa yod sikaray singa ginawa rad arum.

Isaias 30:25

Diad agew a nadakep iray tirinsira na saray kalaban yo tan napatey iray totoo ra, onagos iray sobul a manlapud balang palandey tan balang pokdul.

Isaias 25:12

Deralen na Katawan iray tirinsira tan saray atatagey a padir na Moab tan igeba to rad dabuk.

Josue 6:4

Pitoran papari a sankaawit na balang sakey ed sikara so trumpita, so onlad arap na Kaban na Sipanan. Diad kumapiton agew sika tan saray sondalom et nepeg yon liberen a mamimpito so siudad legan a papaknulen na saray papari iray trumpita.

Josue 6:6

Tinawag nen Josue iray papari tan inkuantod sikara, “Sakbat yoy Kaban na Sipanan, tan pitorad sikayo so manayam ed arap to a sankaawit da ray trumpita.”

Saray Huis 20:37

Masiglat a batik ed Gabaa ira yan lalaki; pinanatan da may siudad tan pinatey day balang tood man.