Josue 6:4 - Maung A Balita Biblia

⁴ Pitoran papari a sankaawit na balang sakey ed sikara so trumpita, so onlad arap na Kaban na Sipanan. Diad kumapiton agew sika tan saray sondalom et nepeg yon liberen a mamimpito so siudad legan a papaknulen na saray papari iray trumpita.

Maung a Balita Biblia

⁴ Pitoran papari a sankaawit na balang sakey ed sikara so trumpita, so onlad arap na Kaban na Sipanan. Diad kumapiton agew sika tan saray sondalom et nepeg yon liberen a mamimpito so siudad legan a papaknulen na saray papari iray trumpita.

Josue 6:4 Referans Kwoze

Puyan 16:1

Nadngel koy maksil a bosis a nanlapud timplo ya inkuantod saramay pitoran anghil, “Laka yo ta ikalbo yo lad mundo ray pitoran yaung a napnoy pasnuk na Dios!”

2 Saray Awaran 20:17

Aliwan sikayoy nepeg a milaban ed sayan bakal. Ilira yo labat so sikayon dili tan manalagar kayo; nanengneng yoy pangiter na Katawan ed sikayo na pananalo. Totood Juda tan Jerusalem, ag kayo ontatalaw odino ontatakot. Paway kayon mibakal, tan olupen kayo na Katawan!”

Puyan 8:2

Insan anengneng ko ra may pitoran anghil a manalalagey ed arap na Dios, tan naitday balang sakey ed sikara na trumpita.

2 Saray Awaran 20:21

Kayari na ari a binilin iray totoo, ingganggan to ray pigaran tumutogtog tan pigaran kumakanta a mansulong iray kawes ya isosolung da no wala ray masanton pista tan mankurang iran walad onaan da ray sondalo tan ikankanta ra: “Nadayew komun so Katawan! Ag mangangga so ag mangoman a panangaro to!”

1 Saray Arari 18:43

Inkuantod aripen to, “Laka, ta bantag moy dayat.” Linma may aripen, insan pinmawil a kuanto, “Anggapoy anengneng ko.” Amimpiton imbaki nen Elias ya onlan onnengneng.

Levitico 14:16

idelnet toy tamoro na kawanan a lima to tan iwalsik tod man a mamimpito diad arapan na Katawan.

Puyan 15:7

Insan sakey ed saramay apatiran pinalsa a mabilay so angiter ed saramay pitoran anghil na pitoran balituk a yaung, a napnoy pasnuk na Dios, say Dios a mabilay ya anggad angga.

Puyan 15:1

Anengneng koy sakey nin baleg tan makapakelkelaw a sinyal ed tawen: pitoran anghil a sankaawit day pitoran salot. Sikara yay kaonuran a salot, ta sikara la yay samput a pangipanengneng na Dios na pasnuk to.

Puyan 10:3

Inmingal, tan singa ungol na lion so ingal to. Kaingal to, inmebat a dinmalagorug so pitoran karul.

Puyan 8:6

Insan imparaan na saramay pitoran anghil a sibuken iray trumpita ra.

Puyan 5:6

Insan anengneng koy sakey a Kordiron manalalagey ed pegley na samay trono, a niliber na saramay apatiran mabilay a pinalsa tan saramay mamatakken. Singa pinatey so nengneng to may Kordiro. Pitoray saklur to tan pitora met so mata to, a sikaray pitoran ispiritu na Dios a nibakid sankamundoan.

Puyan 5:1

Anengneng kod kawanan a lima na samay akayorung ed trono so sakey a babasaen a nilokut. Asulatan a duay pagpag to, tan sinaraay pitoran timbri.

Puyan 1:20

Sikato yay niamut a kabaliksan na pitoran bitewen a nanenengneng mon sankabembenan ko tan saray pitoran balituk a panangipatoonay lamparaan: saray pitoran bitewen sikaray anghil na pitoran iglisia, tan saray pitoran panangipatoonay lamparaan sikaray pitoran iglisia.

Puyan 1:4

Nanlapud kinen Juan yan sulat a para saray pitoran iglisia ed Asia: Nawalaan kayo komuy bindision tan kareenan a manlapud Dios—say Dios natan, nen saman, tan say onsabi—manlapud saray pitoran ispiritu a walad arap na trono to,

2 Saray Arari 5:10

insan angibakiy Eliseo na sakey ya aripen a mangibagad kinen Naaman ya orasan ton mamimpito ed Ilog na Jordan so laman to, et sigput ya onabig ed sakit to.

Saray Bilang 23:1

Inkuantod kinen Balak, “Igawaan mo ak dia na pitoran altar, tan iyakaran mo ak na pitoran bakan kalakyan tan pitoran karniron kalakyan.”

Zacarias 4:6

Samay anghil imbaga tod kinen Zorobabel ira yan salita na Katawan: “Mampalabo ka, aliwan lapud pakapanyari na saray sondalo odino lapud dilin biskeg mo, no ag ingen lapud ispirituk.

Zacarias 4:2

Tinepet ko, “Antoy nanenengneng mo?” Inmebat ak, “Balituk a panangipatoonan na lamparaan. Diad tapew to walay sakey a yaung a pananginay larak. Walay pitoran lamparaan ed samay panangipatoonan, tan balang sakey et walay pitoran pananginay pabilo.

Isaias 27:13

No onsabiy tan ya agew, nasibuk so trumpita a panawag ya ompawil iray Israelitan nibantak ed Asiria tan Egipto. Onsabi rad Jerusalem tan igalang dad may Katawan ed masanton palandey to.

Say Libro nen Job 42:8

Natan sirin, mangyakar kayod kinen Job na pitoran bakan kalakyan tan pitoran karniron kalakyan ta isaklang yo ran bagat a popoolan para sikayo. Ipikasi to kayo nen Job, et ebatan koy pikakasi yo tan ag ta ki la dusaen onung na kanepegan yo. Kanepegan yo komuy dusaen lapud ag yo sinalita so katwaan nipaakar ed siak, a singa ginawa nen Job.”

2 Saray Awaran 20:19

Saray Levitan kabyangay boleg di Coat tan Cori et nanalagey ira tan makmaksil dan indayew so Katawan a Dios na Israel.

2 Saray Awaran 13:12

Say Dios a dili so pangulo mi, tan wadya ray papari to ya akaparaan lan mamaknul na saray trumpita diad panawag dad sikamin mibakal. Totood Israel, ag yo komun lalabanan so Katawan a Dios na saray lalaki yo! Ag kayo manalo!”

Levitico 4:6

Idelnet toy tamoro to ed samay dala insan to iwalsik a maminpito diad arap na masanton kurtina.

Genesis 2:3

Binindisionan na Dios yan kumapiton agew tan imbiig ton sakey a masanton agew, ta diad sayan agew asumpal toy impamalsa tod ganagana tan nampainawa.

Josue 6:3

Sika tan saray sondalom et nepeg yon liberen a maminsan ed sanagew so paway na siudad; anem agew a gawaen yo ya.

Josue 6:5

Insan mamaknul ira na sakey a maksil a tunon andokorokey. Kadngel yod satan a tanul, oneyag na makmaksil iray amin a totoo, et nageba ray padir na siudad. Insan onkalab ed siudad iray amin a sondalo.”

2 Saray Arari 5:14

Linma sirin ed Jordan si Naaman, linmegep ya amimpito, onung na imbaga nen Eliseo, et sigput ya inmabig. Balibali so nagmaliway laman to tan singa baog na ogaw so baog to.