Josue 6:26 - Maung A Balita Biblia

²⁶ Diad sayan panaon si Josue impaakseb toy sakey a pasakbay: “Siopamay mamasimbalon mamaalagey ed siudad na Jerico et nagawad sikato yan samba na Katawan, Siopamay mangiletneg na pundasion to nabalang toy sankapangulowanan ya anak ton laki; Siopamay mamaalagey na saray puirta to, nabalang toy sankayogtanan ya anak ton laki.”

Maung a Balita Biblia

²⁶ Diad sayan panaon si Josue impaakseb toy sakey a pasakbay: Siopamay mamasimbalon mamaalagey ed siudad na Jerico et nagawad sikato yan samba na Katawan, Siopamay mangiletneg na pundasion to nabalang toy sankapangulowanan ya anak ton laki; Siopamay mamaalagey na saray puirta to, nabalang toy sankayogtanan ya anak ton laki.

Josue 6:26 Referans Kwoze

1 Saray Arari 16:34

Legan na impanoley to, si Hiel a taga Betel pinasimbalo ton impaalagey so Jerico. Diad impangiletneg tod pundasion na Jerico inatey si Abiram a lakin pangulowan ya anak to, tan diad impamaalagey tod saray puirta inatey si Segub a lakin yogtan ya anak to. Abalang nen Hiel ira yan anak to, onung na impasakbay na Katawan diad panamegley nen Josue a lakin anak nen Nun.

Saray Gawgawa 19:13

Wala ray pigaran Judion liber-liber a mamapaekal na saray maoges ya ispiritu. Sinali ran bitlaey ngaran na Katawan a Jesus ed saray inaaponay maoges ya ispiritu. Inkuanda, “Diad ngaran nen Jesus ya ipupulong nen Pablo, igaganggan kod sikayon ekal kayo.”

Mateo 26:63

Balet ag inmesel si Jesus. Inkuanto lamet imay Pangulon Pari, “Diad ngaran na Dios a mabilay, pansambaen ta ka: ibagam ed sikami no talagan sikay Cristo ya Anak na Dios.”

Malakias 1:4

No ibaga na saray kabyangay boleg nen Esau salanti saray Edomita, “Aderal-deral iray baley mi, balet pasimbaloen mi ran ipaalagey,” say Katawan onebat ed satan, “Pasimbaloen da ra labat ya ipaalagey—igebak ira lamet. Tawagen ira na saray totoo, ‘Say maoges a bansa’ tan ‘Say bansan pamapasnukan na Katawan.’”

1 Saray Arari 22:16

Balet inmebat si Acab, “Mamimpigan ibagak ed sikan say katwaan labat so ibagam ed siak diad ngaray Katawan?”

2 Saray Arari 2:4

Insan inkuanen Elias ed kinen Eliseo, “Tilak ka dia natan; ingganggan na Katawan ya onla ak ed Jerico.” Balet inmebat si Eliseo, “Sambaan ko diad inkatoor kod mabilay a Katawan tan diad sika, ya ag ta ka sianan.” Kanyan linma ran dua ed Jerico.

Josue 16:7

Manlapud Janoa mampaleksab ed Atarot tan Naara, sabien toy Jerico tan mansamput ed Jordan.