Josue 5:2 - Maung A Balita Biblia

² Insan inkuan na Katawan ed kinen Josue, “Manggawa ka na saray yuron bato ta segat mo ray Israelita.”

Maung a Balita Biblia

² Insan inkuan na Katawan ed kinen Josue, Manggawa ka na saray yuron bato ta segat mo ray Israelita.

Josue 5:2 Referans Kwoze

Deuteronomio 30:6

Say Katawan a Dios yo et itdan to kayo tan saray kabyangay boleg yo na matoluk a puso pian aroen yo ed intiron puso yo, et mansiansia kayon manayam ed saman a dalin.

Deuteronomio 10:16

Kanyan sirin, manlapud natan toluk kayod Katawan tan ekal yoy inkaawet na olo yo.

Exodo 4:25

Insan angalan tampol si Zipora ya asawa to na matdem a bato tan pinotut toy ngaroy kayaryan na anak ton laki, insan to indiwit imay apotut a laman ed saray sali nen Moises. Lapud sirimonya na panagsegat inkuantod kinen Moises, “Sika so asawak ed dala!” Lapud saya ag la intuloy na Katawan a pateyen si Moises.

COLOSAS 2:11

Lapud pikakasakey yod Cristo atandaan kayoy segat aliwan lapud impakagerger ed laman yo, no ag lapud nakal kayo lad maoges a pakayariy laman. Sayan segat nanlapud Cristo.

Saray Taga Roma 4:11

Sikatoy sinegat a tanday impamaandi na Dios ed kasalanan to lapud pananisia to nen ag ni asegat. Kanyan si Abraham et nagmaliw a maispiritun ama na amin da ray mananisian pinaandi na Dios iray kasalanan da, anggaman ya ag ira asegat.

Saray Taga Roma 2:29

Ingen, say petepeteg a Judio ag nabirbir ed indengan to, ta say inkatandaan toy segat et diad puso to. Say Ispiritu na Dios so manggagawad saya, aliwan say Ganggan ya akasulat. Say Dios so mangidayew ed sayan too, aliwan say kapara ton too.

Josue 5:3

Sinumpal nen Josue imay ingganggan na Katawan, kanyan sinegat to ray Israelita diad pasen a tatawagen na Pokdul a Nansegatan.