Josue 5:14 - Maung A Balita Biblia

¹⁴ “Andi,” ebat na samay laki. “Wadya ak a pangulo na saray sondalo na Katawan.” Tinmiblak ed dalin si Josue diad impangigalang to tan kuanto, “Siak so aripen mo. Antoy labay mon pagawad siak?”

Maung a Balita Biblia

¹⁴ Andi, ebat na samay laki. Wadya ak a pangulo na saray sondalo na Katawan. Tinmiblak ed dalin si Josue diad impangigalang to tan kuanto, Siak so aripen mo. Antoy labay mon pagawad siak?

Josue 5:14 Referans Kwoze

Isaias 55:4

Ginawak a pangulo tan manoley si David ed saray bansa, tan diad panamegley to impanengneng kod sikaray pakayarik.

Genesis 17:3

Dinmakmomoy Abram ya anggad dalin so lupa to, insan inkuan na Dios.

Lucas 20:42

Ta si David a dili so angikuan, diad libro na saray Salmo: ‘Say Katawan inkuantod Katawan ko: Yorung ka ed nikawanan ko,

Daniel 12:1

Samay anghil a linen so kawes to inkuanto, “Diad satan a panaon ompanengneng imay matalonggaring ya anghil Miguel a mangguaguardiad saray totoom. Insan la ondalan so panaon na ontan lan kairapan ya ag nin balut dinmalan nanlapu lad inletneg da ray bansa. No onsabiy tan a panaon, nilaban ya amin iray totoo na bansa a nisulat so kangaranan dad libro na Dios.

Daniel 10:13

Say prinsipin anghil na nanarian na Persia et sinumlang to ak na duamplo tan sakey ya agew. Insan si Miguel a sakey ed saray manonan anghil et dinmagon tinmulong ed siak, lapud bukbukor koy atilak ed Persia.

Puyan 12:7

Tinmerak ed satay bakal ed tawen! Nilabanan nen Miguel tan saray anghil to may dragon, ya akilaban a kaiba to ray anghil to.

Juan 20:28

Inkuanen Tomas ed sikato, “Katawan ko tan Dios ko!”

Mateo 22:44

‘Say Katawan inkuantod Katawan ko: Yorung ka ed nikawanan ko, anggad napasukok ed sika iray kalaban mo.’

Mateo 8:2

Linmad sikatoy sakey a toon akating, tinmalimukor ed arap nen Jesus tan inkuanto, “Katawan, no labay mo, nayarian mo ak a paabigen.”

Isaias 6:8

Insan nadngel kon say Katawan kuanto, “Siopay ibakik? Siopay managbalita tayo?” Inmebat ak, “Siak! Ibaki mo ak!”

Saray Bilang 16:45

“Arawian yo ra yan totoo, ta deralen ko ran tampol ed kawalaan da!” Dinmakmomon anggad dalin ira may duara,

Saray Hebreo 2:10

Manepeg ed Dios—say amalsa tan manaasikasod amin a bengatla—a ginawa toy Jesus a nagnap diad panamegley na kairapan, pian pinabangen tod kagalangan to ray amayamay ya anak. Ta si Jesus so mangipapanguloy kilalaban da.

FILIPOS 3:8

On, amin a bengatla et ipapasen kon adarak, ta nisulat la so lalon makana-kana, salanti say pakapikabat ed Cristo Jesus a Katawan ko. Lapud Cristo, imbantak ko lan amin iray bengatla; ipapasen ko lan singa dotak iray amin a bengatla, pian nagamuran ko labat si Cristo,

Saray Gawgawa 9:6

Alagey ka tan loob kad siudad, ta diman nibagay nepeg mon gawaen.”

Lucas 1:43

Siopa ak a bisitaey ina na Katawan ko?

Saray Salmo 110:1

Say Katawan inkuantod katawan ko ya ari, “Yorung ka ed nikawanan ko anggad napasukok ed sika iray kalaban mo.”

Levitico 9:24

Kabebekta say Katawan angipelag na apoy, tan inoput ton pinoolan imay bagat a popoolan tan saramay taba ed tapew na altar. Nen anengneng ya na saray totoo, inmeyag iran amin tan dinmakmomo ra ya anggad dalin.

Exodo 4:10

Balet si Moises inkuanto, “Katawan, gendat ya aliwa ak a marunong a mansalita, tan onya ak ni, anggaman ya akitongtong ka lad siak. Makapoy ak a mansalita tan ata-ata ak.”

Genesis 17:17

Dinmakmomo si Abraham ya anggad dalin so lupa to, balet akalek nen ninunot tod sikaton dili, “Makaanak ni kasiy sakey a lakin mantaon lay sanlasus? Mananak ni kasiy Sara, anta siamaplo lay taon to?”

Lucas 5:12

Aminsan, nen si Jesus et walad sakey a baley, dinmagod sikatoy sakey a laki ya akating so intiron laman to. Kanengneng tod kinen Jesus, dinmakmomo tan akikasi. Inkuanto, “Katawan, no labay mo, napagmaliw mo ak a paabigen!”

Saray Bilang 16:22

Balet di Moises tan Aaron dinmakmomo ra ya anggad dalin tan kuanda, “O Dios, sika so nanlapwan na amin a bilay. No mankasalanan so sakey a too, mampasnuk ka kasi ed amin a totoo?”

Exodo 4:13

Balet inmebat si Moises, “Aliwan siak, Katawan, so ibakim. Say sananey pa lan too.”

Saray Salmo 24:10

Siopa yan matalonggaring ya ari? Say Katawan a makapanyarin-amin—sikatoy matalonggaring ya ari!

Saray Bilang 22:31

Insan say Katawan inabuloyan toy Balaam a nanengneng to may anghil a manalalagey a sankaegnaan toy sipada to; et intiblak nen Balaam ed dalin.

Josue 20:1

Insan imbaga na Katawan ed saray totood Israel diad panamegley nen Josue, “Mamili kayo na saray siudad a salimbengan onung na imbagak ed sikayo diad panamegley nen Moises.

2 Samuel 7:19

Balet natan, lalon dakel so gagawaen mo, Katawan a Dios; nansipan kay nipaakar ed saray kabyangay pamilyak diad arapen a panaon. Inyabuloy mon naamtaan ya na too, Katawan a Dios!

2 Samuel 7:20

Anto niy nayarian kon ibagad sika? Kabkabat mo ak, say aripen mo.

Ezekiel 3:23

Linma ak sirin ed patar, tan anengneng kod man so kagalangan na Katawan, a singa samay anengneng kod gilig na Ilog na Kebar. Tinmikleb ak ed dalin,

Daniel 8:11

Nilabanan to so anggan say Prinsipi da ray mangatatawen a sondalo, pinatonda toy inagew-agew a panagbagat ed sikato, tan dinederal toy Timplo.