Josue 4:19 - Maung A Balita Biblia

¹⁹ Diad kumaplon agew na ononan bulan saray totoo binaliw day Jordan tan nankampo rad Gilgal a nibokig na Jerico.

Maung a Balita Biblia

¹⁹ Diad kumaplon agew na ononan bulan saray totoo binaliw day Jordan tan nankampo rad Gilgal a nibokig na Jerico.

Josue 4:19 Referans Kwoze

Josue 5:9

Inkuan na Katawan ed kinen Josue, “Natad sayan agew inekal kod sikayo so kababaingan yo lapud impakaaripen yod Egipto.” Sikato yay makasengeg ya atawag iman a pasen na Gilgal, anggad natan.

Mikias 6:5

Totook, nunot yo may ginetman gawaen ed sikayo nen Ari Balak na Moab tan samay inebat ed sikato nen Balaam a lakin anak nen Beor. Nunot yo may agawad dalan a manlapud kampo ed Acacia ya anggad Gilgal. Nunot yo ra yan agawgawa, et nabirbir yon ginagawak ira diad impanyagel kod sikayo.”

Amos 5:5

Ag kayo oonlan mangigalang ed Beer-seba. Ag yo ak aanapen ed Betel, ta anggapoy pansumpalan na Betel. Ag kayo oonlad Gilgal, ta pangaskasiyan a nibantak ed arum a bansa iray totoo to.”

Amos 4:4

Say Katawan a Dios kuanto, “No tuan ag kayo napatonda, laka yod masanton pasen ed Betel, sikayo ran totood Israel, ta mankasalanan kayo! Laka yod Gilgal tan mankasalanan kayo ed anggaay nayarian yo! Mangawit kayo na saray ayayep ya ibagat yon kinabwasan, tan iyakar yon kapag mikatlon agew iray kakaplo yo.

1 Samuel 15:33

Inkuanen Samuel, “Say ispadam impagmaliw ton anggapoy anak iray amayamay ya ina; ontan met a magmaliw ya anggapoy anak so inam.” Insan tinartar toy Agag diad arap na altar ed Gilgal.

Josue 15:7

manlapud Patar na Acor ya anggad Debir, insan onlikod baybay a mamaarap ed Gilgal ya akaarap ed Dalan na Adumim diad abalaten a dapag na patar. Manlapu dia ontuloy ed saray sobul na En-semes, insan diad En-rogel,

Josue 10:43

Kayari to ya, pinmawil ed kampod Gilgal si Josue tan saray sondalo to.

Josue 10:6

Saray taga Gabaon impaikuandad kinen Josue a walad kampod Gilgal: “Ag mo kami kari ikakaindan! Gala dian tampol ta tulongan mo kami! Amin da ray arari ed nipokdul iran pasen et nanmomoyung ira tan dinogpaan da kami!”

Deuteronomio 1:3

Diad ononan agew na kumalabinsakey a bulan na kumaapataplon taon kayari ran tinaynan so Egipto, imbaga nen Moises ed saray totoo iray amin a bengatlan ingganggan na Katawan ya ibaga tod sikara.

Deuteronomio 11:30

Sarayan duaran palandey et wala rad sagur na Ilog na Jordan, diad dalin da ray Cananeo a manaayam ed patar na Jordan. Wala rad bandad sagur tan ag ira arawi ed saray masanton kiew ed More ya abay na baley na Gilgal.)

Josue 4:18

et nen akasabi rad pandel na ilog ira may papari, inmagos lamet imay ilog tan asapat toy anggad saray pandel.

Josue 5:10

Legan a nankampod Gilgal iray Israelita diad patar ya asingger ed Jerico, sinilibraan da so Paskua diad labi na kumalabinapat ya agew na bulan.

2 Saray Arari 2:1

Sinmabi lay oras na pangala na Katawan ed kinen Elias ed tawen diad panamegley na alimbusabos. Pinmikal ed Gilgal si Elias tan si Eliseo;

Josue 9:6

Insan ira linmad kampod Gilgal tan kuandad kinen Josue tan saray lalaki na Israel, “Arawdawiy nanlapwan min dalin. Labay min mipaknaan kayod sikami.”

Josue 24:11

Binaliw yoy Jordan tan linma kayod Jerico. Nilabanan kayo na saray lalakid Jerico a singa ginawa na saray Amorreo, Perezeo, Cananeo, Heteo, Gergaseo, Heveo, tan saray Jebuseo. Balet impanalo ta kayod sikaran amin.

1 Samuel 10:8

Onaan mo ak ya onlad Gilgal, a diman ta ka banaen tan mangisaklang ak na saray bagat a popoolan tan saray bagat a para kareenan. Manalagar kad man na pitoy agew ya anggad isabik tan ibagak ed sika ray gawaen mo.”