Josue 3:4 - Maung A Balita Biblia

⁴ Ag kayo ni dia akakar nen saman, kanyan ibasbas da kayo no iner so laen yo. Balet ag yo aasinggeran so Kaban na Sipanan; dia kayod beneg to tan arawian yo na walon lasus mitro.”

Maung a Balita Biblia

⁴ Ag kayo ni dia akakar nen saman, kanyan ibasbas da kayo no iner so laen yo. Balet ag yo aasinggeran so Kaban na Sipanan; dia kayod beneg to tan arawian yo na walon lasus mitro.

Josue 3:4 Referans Kwoze

Saray Salmo 89:7

Sikay gagalangen ed tipon da ray masanto; manalalagey iran amin a natatakot ed sika.

1 Saray Awaran 11:2

Nen saman, anggan nen ari mi ni si Saul, impangulom ed bakal iray totood Israel, tan insipan ed sikayo na Katawan a Dios mo ya iwanwan mo ray totoo to tan oleyan mo ra.”

Exodo 3:5

“Ag ka onaasingger dia,” inkuan na Dios, “ekal mo ray sandalyam, ta masanto so dalin a kawalaan mo.

Exodo 19:12

Diad kaliber-liber na palandey mananda kay ketegan ya ag nepeg a labsanan na saray totoo, tan ibagam ed sikara ya ag da kalaben, odino diwiten so palandey. No walay ondiwit ed palandey, sikatoy nepeg a pateyen;

Exodo 4:10

Balet si Moises inkuanto, “Katawan, gendat ya aliwa ak a marunong a mansalita, tan onya ak ni, anggaman ya akitongtong ka lad siak. Makapoy ak a mansalita tan ata-ata ak.”

Genesis 31:2

Alikas to met a nanaoman lay panangaro nen Laban ed sikato.

Isaias 30:33

Abaybayag la a niparaan so sakey a pasen a walay baleg ya apoy a mamool ed ari na Asiria. Aralem yan pasen tan maawang tan atagtagey so nibonton a kiew. Isibuk na Katawan so singa onaagos ya apoy a mamool ed samay kiew.

Josue 3:3

tan inkuandad saray totoo, “No kanengneng yod saray paparin sankaawit day Kaban na Sipanan na Katawan a Dios yo, taynan yoy kampo tan tombuk kayod sikara.

Josue 3:5

Inkuanen Josue ed saramay totoo, “Linisan yoy sikayon dili onung ed ganggan, tan nabwas say Katawan manggawad pegley yo na saray milagro.”

Saray Salmo 25:12

Saray matoluk ed Katawan et naamtaan dad sikato so dalan a nepeg dan tombuken.

Isaias 48:17

Say masanton Dios na Israel, say Katawan a Mananondon yo, kuanto: “Siak so Katawan a Dios yo, say Dios a mangibangat ed sikayo ed pankaabigan yo tan sikatoy mangiwanwan ed dalan na panagbilay a nepeg yon tombuken.