Josue 24:2 - Maung A Balita Biblia

² Inkuanen Josue ed amin da ray totoo, “Sikatoya so ibabaga na Katawan a Dios na Israel; ‘Nen saman a panaon nanayam ed biek na Ilog na Eufrates iray lalaki yo tan angigalang irad arum a diriyos. Sakey ed saraman a lalaki yo et si Tera ya ama di Abraham tan Nacor.

Maung a Balita Biblia

² Inkuanen Josue ed amin da ray totoo, Sikatoya so ibabaga na Katawan a Dios na Israel; Nen saman a panaon nanayam ed biek na Ilog na Eufrates iray lalaki yo tan angigalang irad arum a diriyos. Sakey ed saraman a lalaki yo et si Tera ya ama di Abraham tan Nacor.

Josue 24:2 Referans Kwoze

Josue 24:15

No ag yo labay a panlingkuran so Katawan, mampili kayo natan no siopay panlingkuran yo, saray diriyos ya inggagalang na saray lalaki yo ed Mesopotamia odino saray diriyos da ray Amorreo a panaayaman yo natan so dalin da. Para say siak tan say pamilyak, panlingkuran mi so Katawan.”

Genesis 31:30

Kabat kon tinmaynan ka, lapud labay mo lay makasempet ed abung mo, balet akin et tinakew mo ray diriyos ko?”

Ezekiel 16:3

Ibagam ed Jerusalem so ibabagad sikato na Katawan a Dios: “Nianak ka ed dalin na Canaan. Sakey ya Amorreo so amam tan sakey a Heteo so inam.

Isaias 51:2

Nunot yoy laki yon Abraham, tan si Sara a sikaray sengeg na boleg yo. Anggapoy anak nen Abraham nen tinawag ko, balet binindisionan ko tan initdan ko na saray anak; pinarakel ko ray kabyangay boleg to.

Deuteronomio 26:5

Insan diad arap na Katawan ibitla yo ra yan salita: ‘Say lakik et sakey ya akar-akar ya Arameo, ya inawit ton nanayam ed Egipto so pamilya to. Nen linma rad Egipto dagdaiset ira, balet nagmaliw iran baleg tan makapanyarin bansa.

Genesis 35:4

Inter da sirin ed kinen Jacob iray amin a walad sikaran diriyos na arum a bansa, pati saray ikaw ya akabitin ed saray layag da. Inkotkot to ra yan amin ed silong na kiew a robli ya asingger ed Sikem.

Genesis 31:53

Say Dios nen Abraham tan say Dios nen Nacor so manintinsiad sikatan dua.” Insan diad ngaran na Dios ya inggalang nen ama ton Isaac, sinambaan nen Jacob a tooren to yan sipan.

Genesis 31:32

Balet no narumog yo dia iray diriyos yo, nakaukolan a pateyen so siopaman a pakarumogan. Nia ray lalakin mantasi. Mananap kayoy antokaman a kayaryan yo tan ala yoy gawa yo.” Ag amta nen Jacob a tinakew nen Raquel iray diriyos nen Laban.

Genesis 31:19

Linmay Laban a mangatlid saray karniro to; et nen andid man ed abung, tinakew nen Raquel iray talintaoy diriyos na pamilya tan kayaryan nen ama to.

Genesis 11:26

Nen mantaon na pitomplo si Tare, walay anak ton lalaki a di Abram, Nacor, tan Haran.

Lucas 3:34

ya anak nen Jacob. Si Jacob anak nen Isaac, ya anak nen Abraham. Si Abraham anak nen Tare, ya anak nen Nacor.

Genesis 11:24

Nen mantaon na duamplo tan siam si Nacor, walay anak ton laki a si Tare;

Genesis 11:27

Sikara yay kabyangay boleg nen Tare: si Tare so ama di Abram, Nacor, tan Haran. Si Haran so ama nen Lot,

Genesis 11:22

Nen mantaon na talomplo si Serug, walay anak ton laki a si Nacor;

1 Saray Awaran 1:27

tan si Abram (a manngaran met na Abraham).