Josue 24:14 - Maung A Balita Biblia

¹⁴ “Natan sirin,” intuloy nen Josue ya inkuan, “pagalangan yo so Katawan tan masimoon tan matoor yon panlingkuran. Ibantak yo ray diriyos ya inggagalang nen saman na saray lalaki yo diad Mesopotamia tan diad Egipto. Say Katawan labat so panlingkuran yo.

Maung a Balita Biblia

¹⁴ Natan sirin, intuloy nen Josue ya inkuan, pagalangan yo so Katawan tan masimoon tan matoor yon panlingkuran. Ibantak yo ray diriyos ya inggagalang nen saman na saray lalaki yo diad Mesopotamia tan diad Egipto. Say Katawan labat so panlingkuran yo.

Josue 24:14 Referans Kwoze

1 Samuel 12:24

Takotan yoy Katawan, tan matoor so panlingkur yod sikato diad intiron puso yo. Ag yo lilingwanan iray makapakelaw a ginagawa ton para sikayo.

Deuteronomio 10:12

“Natan, sikayon totood Israel, dengel yo ray labay a pagawa ed sikayo na Katawan a Dios yo: Takotan yo so Katawan tan onur yo ray amin a labay ton pagawad sikayo. Aro yo, panlingkuran yo ed intiron puso yo,

Genesis 35:2

Kanyan inkuanen Jacob ed pamilya to tan amin a kaiba to, “Ibantak yo ray diriyos na arum a bansa ya awit yo; linisan yoy sikayon dili, insan kayo mampales na malinis.

2 CORINTO 1:12

Sikato yay nayarian mi ya ikinon: paneknekan na konsinsia mi a masanto tan anggapoy pankonkonwari so pipiolup mid sankamundoan, lautlad pipiolup mid sikayo. Onyay pambibilay mi, lapud baleg a panangaroy Dios, aliwan lapud kakabatay too.

Josue 24:23

Insan inkuanen Josue ed sikara, “Ibantak yo sirin iray diriyos na arum a bansa a walad sikayo, tan isipan yon matoor kayo ed Katawan a Dios na Israel.”

Saray Salmo 119:1

Maliket iray totoon anggapoy pakabalawan ed panagbilay da, saray mambibilay onung ed ganggan na Katawan.

Ezekiel 20:18

Ingen, pinasakbayan kod man iray tobun-balo. Ag yo oonuren iray ganggan a ginagawa na saray lalaki yo; ag yo aaligen iray ogali ra odino dodotakan so sikayon dili diad pidios yod saray talintaoy diriyos da.

Saray Salmo 111:10

Say pangigalang ed Katawan so gapo na kakabatan; iitdan to na pakatalus iray mangoonur na ganggan to. Nepeg ya idayew ed ando lan ando so Katawan.

Say Libro nen Job 28:28

Inkuan na Dios ed too, ‘Magmaliw kan makabat no takotan moy Katawan, Nawalaan kay pakatalus no ibatikan moy kaogsan.’”

Esdras 9:11

ya inter mo rad sikami diad panamegley na saray aripen mon propita. Imbaga rad sikami a say dalin a panayaman mi et napnoy karotakan, lapud saray totoon nanaayam et pinano ra, manlapud sakey a ketegan ya anggad sakey a ketegan, na saray makapaingongot tan marotak a kagagawa.

2 Saray Arari 20:3

“Nunot mo pa, Katawan, a matoor tan masimoon so impanlingkur kod sika, tan sinumpal ko lawas iray labay mon pagawad siak.” Insan inggapo toy nanakis na ampaipait.

Josue 24:2

Inkuanen Josue ed amin da ray totoo, “Sikatoya so ibabaga na Katawan a Dios na Israel; ‘Nen saman a panaon nanayam ed biek na Ilog na Eufrates iray lalaki yo tan angigalang irad arum a diriyos. Sakey ed saraman a lalaki yo et si Tera ya ama di Abraham tan Nacor.

Deuteronomio 18:13

Ag kayo manggagaway pakabalawan ed sikayo ed arap na Katawan.”

Levitico 17:7

Saray Israelita et ag da la nepeg a sumlangen so Katawan diad pamatey dad saray ayayep da ed kaalogan tan ibagat da rad kanding a dimonyo. Saray totood Israel et nepeg dan onuren yan totontonen ya anggan kapigan man a panaon.

Saray Gawgawa 9:31

Kanyan awalaay kareenan so iglisia ed intiron Judea, Galilea tan Samaria; binmiskeg tan binmaleg lapud tulong na Ispiritu Santo, tan nambilay a sigagalang ed Katawan.

Lucas 8:15

Saramay ilik a dinmapod mabonan dalin aliling day totoon ondedengel ed salitay Dios, insan da aasikasoen ed matoor tan maung a puso ra, tan pansiasiansiaen dan anggad mambunga ra.”

Oseas 3:5

Balet onsabiy panaon a saray totood Israel et ompawil ira lamet ed Katawan a Dios da tan diad sakey a kabyangay boleg nen David ya ari ra. Insan takotan day Katawan tan makaawat ira na saray marakep a rigalo to.

Ezekiel 23:3

Nen malangwer ni ran manaayam ed Egipto, aderal so inkabirhin da tan nagmaliw iran marotak a bibii.

FILIPOS 1:10

pian napili yoy sankamaungan ed amin a bengatla. Diad ontan nasabian kin malinis tan anggapoy pakabalawan no Agew nen Cristo.

TAGA-EFESO 6:24

Nawalaan kayo komuy bindisioy Dios, amin yon say panangaro yod Katawan tayon Jesu-Cristo et ag ompatey.

Saray Salmo 130:4

Balet pipirdonaen mo kami, kanyan nepeg mi kan igalang.

Saray Salmo 119:80

Sigput ko komun a naonur iray ganggan mo, pian ag ak napelag ed kababaingan na inkatalo.

Say Libro nen Job 1:1

Walay sakey a lakin manngaray Job a manaayam ed dalin na Uz. Anggapoy pakabalawan ed sayan too, matonung, walay takot to ed Dios, tan aarawian toy kaogsan.

Genesis 17:1

Nen mantaoy siamaplo tan siam si Abram, pinmanengneng ed sikato so Katawan tan inkuanto, “Siak so Dios a Makapanyarin-amin. Toluk kad siak tan gawam lawas so kamaungan.

1 Samuel 7:3

Inkuanen Samuel ed saray totood Israel, “No impapusoy ipawil yod Katawan, nakaukolan ya ibantak yo la ray diriyos na saray arum a bansa tan saray talintao nen diosan Astarot. Isaklang yod Katawan so sikayon dili tan sikato labat so panlingkuran yo, et ekalen to kayo ed pakayari na saray Filisteo.”

1 Samuel 12:14

Maung so kipapasen yo no takotan yoy Katawan a Dios yo, panlingkuran yo, dengelen yo, tan onuren yo ray ganggan to, tan no sikayo tan say ari yo et tumboken yo.

Deuteronomio 6:13

Takotan yoy Katawan a Dios yo, sikato labat so igalang yo, tan mansipan kayo ed ngaran to labat.

Saray Salmo 81:10

Siak so Katawan a Dios yo ya angipaway ed sikayod Egipto. Sangi kayo, ta pakanen ta kayo.

Mikias 6:8

Andi, imbagad sikatayo na Katawan no anto so maung. Say labay ton pagawad sikatayo saya: say panggawa tayo na katunongan, say pangipanengneng tayo na ag mangoman a panangaro tayo, tan say pambilay tayon mapaabeban masisiglaotan ed Dios.