Josue 23:9 - Maung A Balita Biblia

⁹ Pinataynan na Katawan iray totood ankakabaleg tan makapanyarin bansa legan na pankukurang yo, et anggapoy akayarin milaban ed sikayo.

Maung a Balita Biblia

⁹ Pinataynan na Katawan iray totood ankakabaleg tan makapanyarin bansa legan na pankukurang yo, et anggapoy akayarin milaban ed sikayo.

Josue 23:9 Referans Kwoze

Josue 1:5

Josue, anggapoy manalod sika legan mon mambilay. Olupen ta ka a singa impangolup kod kinen Moises. Olupen ta ka lawas; ag ta kan balut ikaindan.

Deuteronomio 11:23

Diad satan pataynanen to ray amin a bansa legan na pankukurang yo, et panayaman yoy dalin da ray bansan baleg tan makapanyari nen say sikayo.

Josue 23:5

Say Katawan a Dios yo et pabatiken to ra legan yon lolooban iray dalin da. Nakayaryan yoy dalin da onung na insipan ed sikayo na Katawan a Dios yo.

Exodo 23:30

Ingen, inot-inoten ko ran pagiten ya anggad magenap lay karakel yon mangayaryan na dalin.

Josue 15:14

Pinataynan nen Caleb iray kabyangay boleg nen Anak—saray boleg di Sesai, Ahiman, tan Talmai.

Deuteronomio 7:24

Ipatalo tod sikayo ray ari ra. Pateyen yo ra, tan nalingwanan ira. Anggapoy makabaat ed sikay; pateyen yo so balang sakey ed sikara.

Saray Gawgawa 7:45

Tinawir ya na saray anak da, tan inawit da nen kaiba ray Josue ya angipanguloy pangayaryan dad saray pasen ya impasamsam na Dios ed sikara. Ag diman naalis, anggad panaon nen David.

Exodo 23:23

Onlan onona nen say sikayo so anghil ko tan iyakar to kayo ed dalin na saray Amorreo, saray Heteo, saray Perezeo, saray Cananeo, saray Heveo, tan saray Jebuseo, tan deralen ko ra.

Josue 23:8

Ingen, nepeg a mansiansia kayon matoor ed Katawan, a singa ginawa yo la nen saman ya anggad natan.

Josue 24:18

Legan tayon lolooban yan dalin, pinataynan to ray Amorreo a manaayam dia. Kanyan manlingkur kami met et Katawan; sikato so Dios tayo.”

1 Saray Arari 21:26

Nanggagawa na saray makapabaing a tuloy a kasalanan na panangigalang ed saray talintao, a singa ginagawa na saray Amorreo, saray totoon pinataynan na Katawan ed dalin nen nilooban na saray Israelita.)

2 Saray Awaran 20:7

Sika so Dios mi. Nen saray totoom ya Israelita et linma rad sayan dalin, pinataynan mo ray totoon manaayam dia, insan inter mon kayaryan lan anggad angga na saray kabyangay boleg nen Abraham a kaarom.