Josue 23:7 - Maung A Balita Biblia

⁷ et ag kayod satan milimug-limug ed saray akeraan ed sarayan totoo a manaayam ed kawalaan yo, o salitaen yoy kangaranan da ray diriyos da, o ikana yo ray kangaranan da diad pansamba yo, o galangen yo ray diriyos da, odino ondadakmomo kayod sikara.

Maung a Balita Biblia

⁷ et ag kayod satan milimug-limug ed saray akeraan ed sarayan totoo a manaayam ed kawalaan yo, o salitaen yoy kangaranan da ray diriyos da, o ikana yo ray kangaranan da diad pansamba yo, o galangen yo ray diriyos da, odino ondadakmomo kayod sikara.

Josue 23:7 Referans Kwoze

Exodo 23:13

“Dengel kayod amin a bengatlan imbagak ed sikayo, siak a Katawan. Ag kayo mampipikasi ed arum a diriyos; ag yo anggan bibitlaen so kangaranan da.

Jeremias 5:7

Tinepet na Katawan, “Akin et pirdonaen ko ray kasalanan na saray totook? Inkaindan da ak tan angigalang ira ed saray tila-tilan diriyos. Pinakan ko ray totook ya anggad napsel ira, balet akikalugoran ira, tan akiamung irad saray marotak a bibii o lalaki.

Saray Salmo 16:4

Nabontunan na kairapan, iray manlilingkur ed saray diriyos. Ag ak mibiang ed saray bagat dan dala; ag ko igalang iray diriyos da.

Exodo 23:33

Ag yo aabuloyan a manayam ed bansa yo ira man a totoo; no abuloyan yo ra sagyaten da kayon mankasalanan ed siak. No mangigalang kayod saray diriyos da, andi-duaruwan patit ya ed sikayo.”

TAGA-EFESO 5:11

Ag kayo mibabalid andi-kakanaan iran gagawaen na totoon walad bilonget, no ag ingen iparontal yo rad silew.

1 CORINTO 15:33

Ag kayo patitilaan. “Saray maoges a kaolup deralen day maung a kagagawa.”

Sofonias 1:5

Pateyen koy toon oonlad toktok na abung a mangigalang ed agew, bulan, tan saray bitewen. Pateyen ko met iray mangigagalang ed siak, tan mansasamban matoor ed siak, balet kabekta mansamba ra ed ngaran na dios a Moloc.

Probirbio 4:14

Ag ka oonla ed lalaen da ray totoon maoges odino aaligen so kagagawa ra.

Josue 23:12

No ipolisay yo so Katawan tan migampi kayod saray akeraan nin bansa tan miasawaan kayod sikara,

Oseas 2:17

Ag ko lan balut pabitlad sikato so ngaran a Baal.

Saray Bilang 32:38

Nebo, Baal-meon (asalatan so ngaran na sayan baley) tan Sibma. Iniitdan da na balon ngaran iray baley a pinapasimbalo ran impaalagey.

Exodo 20:5

Ag ka ondadakmomo odino mangigagalang ed saraya, ta siak, say Katawan a Dios mo, et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.

Deuteronomio 6:13

Takotan yoy Katawan a Dios yo, sikato labat so igalang yo, tan mansipan kayo ed ngaran to labat.

Deuteronomio 10:20

Takotan yoy Katawan a Dios yo tan sikatoy panlingkuran yo. Mansiansia kayod sikato tan mansipan kayo ed ngaran to labat.

Josue 23:8

Ingen, nepeg a mansiansia kayon matoor ed Katawan, a singa ginawa yo la nen saman ya anggad natan.

Jeremias 12:16

No diad intiron puso ra et onalig irad kabibilay na saray totook tan mansamba ra, ‘Onung a mabilay so Katawan’—a singa impanbangat dad saray totook a nansamba rad Baal—magmaliw iran kabyangan na saray totook tan onaligwas ira.

Saray Bilang 33:55

Balet no ag yo pataynanen iray manaayam diman, saray akeraan et mangiter irad sikayo na gunigon a singa tenek ed mata yo tan sakit ed diking yo, tan labanan da kayo.

Deuteronomio 6:14

Ag kayo mangigagalang ed arum a diriyos, anggan dinan a diriyos na saray totood kaliber-liber yo.

2 Saray Arari 5:18

Lapud saya, ilaloan kon pirdonaen ak na Katawan no ibaan koy ari ya onlan mangigalang ed timplo na Rimon a dios na Siria. Andi-duaruwan pirdonaen ak na Katawan!”

2 Saray Arari 17:12

tan ag da inonur so ganggan na Katawan ya ag ira mangigalang ed saray talintaoy diriyos.

2 Saray Awaran 7:19

Balet no sika tan saray totoom et ag yo onuren iray ganggan tan saray bilin kod sikayo, tan mangigalang kayod arum a diriyos,