Josue 23:1 - Maung A Balita Biblia

¹ Kalabas na abayag a panaon kasumpal to ya, impanari na Katawan so kareenan ed dalin na Israel. Masikesiken lad saman si Josue,

Maung a Balita Biblia

¹ Kalabas na abayag a panaon kasumpal to ya, impanari na Katawan so kareenan ed dalin na Israel. Masikesiken lad saman si Josue,

Josue 23:1 Referans Kwoze

Josue 13:1

Masikesiken la natan si Josue. Say Katawan kuantod sikato, “Masikesiken ka la, balet maawang niy dalin a sasakopen ni:

Josue 21:44

Say Katawan impanari to so kareenan ed intiron dalin onung na insipan tod saray lalaki ra. Anggapoy anggan sakey ed amin a kalaban da ray Israelita so analod sikara, ta impanalo ra na Katawan.

Josue 11:23

Adakep nen Josue so intiron dalin, onung na ingganggan na Katawan ed kinen Moises. Inter nen Josue so dalin ed saray Israelita; inaapag tod balang tribu. Tinmonda ray bakal kanyan nainawaan iray totood Israel.

Saray Salmo 46:9

Patotondaen to ray bakal ed intiron mundo; popoteren to ray pana, dederalen to ray pika, tan popoolan to ray samper.

Josue 22:4

Onung na insipan na Katawan a Dios yo initdan to na kareenan iray kapara yon Israelita. Sempet kayo natan sirin ed dalin a kayaryan yo, say dalin ed bokig na Jordan ya inter ed sikayo nen Moises ya aripen na Katawan.

Deuteronomio 31:2

tan inkuanto, “Sanlasus tan duamploy taon ko la natan kanyan ag ko la nayarian so mangipangulod sikayo. Aliwan satan labat, say Katawan imbaga tod siak ya ag ko baliwen so Jordan.

Isaias 63:14

Say Katawan impanpainawa to ra tan singa ra bakan niakar ed patar a malambut a pastolan. Inwanwan to ray totoo to tan diad onya apagalangan so ngaran to.

1 Samuel 12:2

tan natan sikato lay mangiwanwan ed sikayo. Para say siak, masiken ak la tan ampoti lay buek ko, kanyan saray anak ko lay kaiba yo. Siak so pangulo yo nanlapud lad balolaki ak ya anggad natan.

1 Saray Arari 1:1

Masikesiken lay Ari David. Ag la napepetangan so laman to anggan nanlalatup so iyooles dad sikato.

1 Saray Awaran 23:25

Inkuanen David, “Say Katawan a Dios na Israel initdan to na kareenan iray totoo to, tan sikato et manayam ya anggad angga ed Jerusalem.

1 Saray Awaran 27:1

Sikatoya so listaan na saray Israelitan pangulo da ray pamilya tan saray pangulo da ray boleg, tan saray opisyal dan angikurang ed saray kimey na nanarian. Duamplo tan apat a libon lalaki so walad balang olup ya ipapangulo na sakey a kapitan. Kapag bulan ed sakey taon sananey ya olupan so nanlingkur.

2 Saray Awaran 14:1

Inatey si Ari Abiam tan nipompon ed Siudad nen David. Sinmalat ed sikaton nanari si Asa a lakin anak to. Legan na impanoley nen Asa na samploy taon mareen so nanarian to.

2 Saray Awaran 14:5

Walay kareenan ed nanarian legan na impanoley to lapud inekal tod amin a siudad na Juda iray paganon pasen a panangigalangan tan saray altar a panagpoolay insinso.

2 Saray Awaran 20:30

Walay kareenan sirin nen nanoley si Josafat tan inyarawi na Dios ed kaatapan diad amin a pasen.