Josue 22:31 - Maung A Balita Biblia

³¹ Si Finees a lakin anak nen Eleazar a pari kuantod sikara, “Natan amta mi a kaiba tayo so Katawan. Ag kayo sinmumpad sikato, kanyan inyagel yod pananusay Katawan iray totood Israel.”

Maung a Balita Biblia

³¹ Si Finees a lakin anak nen Eleazar a pari kuantod sikara, Natan amta mi a kaiba tayo so Katawan. Ag kayo sinmumpad sikato, kanyan inyagel yod pananusay Katawan iray totood Israel.

Josue 22:31 Referans Kwoze

2 Saray Awaran 15:2

insan linman inmabet ed Ari Asa. Inkuanto, “Dengel mo ak, Ari Asa, tan amin yon totood Juda tan Benjamin! Mansiansiad sikayo so Katawan, legan a mansiansia kayo ed sikato. No anapen yoy Katawan iyabuloy ton naalmo yo, balet no ibeneg yo ikaindan to kayo.

1 CORINTO 14:25

tan naamtaan to ray iyaamut na puso to. Kanyan ondakmomo, igalang toy Dios, tan ikuanto, “Tuan wadyay Dios ed pegley yo!”

Mateo 1:23

“Manlokun so sakey a birhin, tan mananak na laki a tawagen day Emmanuel” (a say labay ton ibaga: “Say Dios walad sikatayo”).

Zacarias 8:23

Diad saratan ya agew saray samploran sangkaili onla rad sakey a Judio tan ikuanda, ‘Mikasakey kamid sika, lapud nadngelan min walad sika so Dios.’”

Isaias 12:6

Maneyag tan mankanta kayod liket, sikayon manaayam ed Sion! Matalonggaring so masanton Dios na Israel, tan manaayam ed kawalaan da ray totoo to.”

Saray Salmo 68:17

Say Katawan a kaiba to ray nilibon makapanyarin karwahi to et oonlad masanton pasen manlapud Sinai.

Josue 3:10

Legan kayon mankukurang, andi-saew a pataynanen to ray Cananeo, saray Heteo, saray Heveteo, saray Perezeo, saray Gergeseo, saray Amorreo, tan saray Jebuseo. Naamtaan yo a say mabilay a Dios et kaolup yo

Exodo 25:8

Saray totoo et nepeg a manggawa ra na masanton Tuldan para siak, pian makapanayam ak ed kawalaan da.

Josue 22:30

Si Finees a pari tan saramay akilad sikaton samploran manonan lalaki ed saray totood Israel, saray pangulo da ray pamilya na saray tribun walad sagur et nadngel da may imbaga na saray totood saray tribu di Ruben, Gad, tan say kapalduay na Manases, kanyan aliketan ira.

Josue 22:32

Insan si Finees tan saramay pangulo tinaynan da ra may totoo na Ruben tan Gad diad dalin na Galaad tan pinmawil la rad Canaan, diad saray totood Israel, tan insalaysay dad sikara so agawa.

Esdras 7:5

Si Buki et lakin anak nen Abisue, a lakin anak nen Finees, a lakin anak nen Eleazar. Si Eleazar et lakin anak nen Aaron a Pangulon Pari.