Josue 22:23 - Maung A Balita Biblia

²³ No sinumpa miy Katawan ta nanggawa kamiy altar min dili a pampoolan mid saray bagat odino ikana min pangisaklangan na saray bagat a trigo odino saray bagat a para kareenan, sikato lan dili so manusad sikami.

Maung a Balita Biblia

²³ No sinumpa miy Katawan ta nanggawa kamiy altar min dili a pampoolan mid saray bagat odino ikana min pangisaklangan na saray bagat a trigo odino saray bagat a para kareenan, sikato lan dili so manusad sikami.

Josue 22:23 Referans Kwoze

1 Samuel 20:16

mansiansia ni komun so sipanan tan dua. No ag natoor, dusaen ka na Katawan.”

Deuteronomio 18:19

Sikatoy mansalita ed ngaran ko, tan dusaen koy siopaman ya ag mangonur ed sikato.

Ezekiel 33:8

No imbawag kon ompatey so toon maoges, balet et ag mo pinasakbayan a mangoman ed maoges a panagbilay to, sikatoy ompatey a makasalanan, balet sikay tetelen ko ed impatey to tan singilen ta ka.

Ezekiel 33:6

No nanengneng na managbantay ya ondadago ray kalaban, et ag to paknulen so trumpita, onsabi ed satan iray kalaban tan pateyen da ray makasalanan, balet samay managbantay so natetel tan singilen kod sayan impatey da.

Ezekiel 3:18

No ibagak ed sakey a toon maoges ya ompatey balet et ag mo pinasakbayan a mangoman ed bilay to pian nipaliis ed patey, sikakasalanan ya ompatey, balet singilen ta ka lapud impatey to.

2 Saray Awaran 24:22

Alingwanan na ari so matoor ya impanlingkur ed sikato nen Joiada ya ama nen Zacarias, kanyan impapatey toy Zacarias. Nen ompapatey si Zacarias, inmeyag, “Nanengneng komun na Katawan so gagawaen yo tan dusaen to kayo!”

Deuteronomio 12:11

Say Katawan mamili na saksakey a pasen a pangigalangan ed sikato, tan iyakar yod man ed sikato iray amin ya ingganggan kod sikayo: saray isaklang yon bagat a popoolan tan saray arum a bagat, say kakaplo na saray kayaryan yo tan saray bagat yo, tan saray nidoma-doman rigalo ya insipan yon iter ed Katawan.

Genesis 9:4

Say ag nayarin kanen yo et say karni a nandala, ta walad dala so bilay.

Josue 22:24

Andi, ginawa mi yan altar lapud antakot kami ta ag la pigan saray kabyangay boleg yod arapen a panaon et ibaga rad saray kabyangay boleg mi, ‘Antoy pibabali yo ed Katawan a Dios na Israel?