Josue 22:10 - Maung A Balita Biblia

¹⁰ Nen saray totood tribu di Ruben, Gad, tan kapalduay Manases et akasabi ra ed Gelilot, a sakop ni na sagur na Jordan, amaalagey ira na balbaleg ya altar diad gilig na ilog.

Maung a Balita Biblia

¹⁰ Nen saray totood tribu di Ruben, Gad, tan kapalduay Manases et akasabi ra ed Gelilot, a sakop ni na sagur na Jordan, amaalagey ira na balbaleg ya altar diad gilig na ilog.

Josue 22:10 Referans Kwoze

Genesis 28:18

Kasabiy kabwasan, asaksakbay a binmangon si Jacob, inala to may baton dinanganan to, insan to inapiapiger ya impaalagey ya inlira a sakey a pakanudnunotan. Kinalboan toy larak na oliba a pangisaklang tod Dios.

Josue 22:9

Kanyan sinmempet la ra may totood tribu di Ruben, Gad, tan say kapalduay Manases. Tinaynan da ra may arum a totood Israel diad Silo ed dalin na Canaan, ta onsempet la rad dilin dalin da, say dalin ed Galaad, a sikatoy inala ra onung na ingganggan ed sikara na Katawan diad panamegley nen Moises.

Josue 22:11

Nibagad saray arum a totood Israel, “Dengel kayo! Saray totood tribu di Ruben, Gad, tan say kapaldua na Manases et angipaalagey ira na altar diad Gelilot, diad kawalaan tayon dapag na Jordan!”

Isaias 19:19

No onsabiy tan a panaon, nawalaan na altar a para Katawan so Egipto tan say sakey a masanton lusek a nisaklang ed sikato diad Egipto.

Genesis 12:7

Pinmanengneng so Katawan ed kinen Abram tan inkuantod sikato, “Sikato yay bansa ya iter kod saray kabyangay boleg mo.” Nanggawad may Abram na altar a para Katawan a pinmanengneng ed sikato.

Genesis 12:8

Insan tinmuloy ed bandad abalaten diad nipokdul a pasen a nibokig na Betel, tan nankampod nanleetan na Betel tan Hai diad bokig. Nanggawa met diman na altar tan inggalang toy Katawan.