Josue 2:16 - Maung A Balita Biblia

¹⁶ Inkuantod sikara, “Laka yod kapokdulan ompan narumog kayo na saramay totoo na ari. Amut kid man a taloy agew anggad akapawil la ra. Kayari to sempet ki la.”

Maung a Balita Biblia

¹⁶ Inkuantod sikara, Laka yod kapokdulan ompan narumog kayo na saramay totoo na ari. Amut kid man a taloy agew anggad akapawil la ra. Kayari to sempet ki la.

Josue 2:16 Referans Kwoze

Santiago 2:25

Ontan met ed kinen Rahab, sakey a biin marotak so impanbilay to. Maliket ton pinatuloy iray Israelitan nibaki, tan inturo to ni ingen ed sikara so sananey a dalan pian makabatik ira. Lapud saraman a ginagawa to, nipasen a matonung ed arap na Dios.

1 Samuel 23:14

Nanaamut ed nipokdul a dalin si David diad kalawakan ya asingger ed Zif. Ag tinondaan nen Saul ya anapen, balet ag ipalima na Dios ed sikato.

Saray Salmo 11:1

Say Katawan so sasalimbengan ko. Panoy pangibaga na siopaman ed siak, “Tikyab kan singa manok ed kapalandeyan,

1 Samuel 23:29

Tinmaynan diman si David tan linmad lugar na Engadi, tan dimay nanamutan to.

Josue 2:22

Linman inmamut ed kapokdulan ira may ispia. Saramay totoo na ari et taloy agew da ran inanap ed kaliber-liber na bansa, balet ag da ra naalmo, kanyan amawil la rad Jerico.

Josue 2:15

Si Rahab et manaayam ed abung a nipapeg ed padir na siudad, kanyan inleksab to la rad bintana diad panamegley na lobir.