Josue 18:16 - Maung A Balita Biblia

¹⁶ Mampalasur ed satan ed alusadsar ya ososdongan toy Patar na Hinom, diad nibaybay a samput na Patar na Refaim. Ontuloy ed abalaten tan nadalan toy Patar na Hinom a niabalaten na pokdul da ray Jebuseo, insan ontalus ed Enrogel.

Maung a Balita Biblia

¹⁶ Mampalasur ed satan ed alusadsar ya ososdongan toy Patar na Hinom, diad nibaybay a samput na Patar na Refaim. Ontuloy ed abalaten tan nadalan toy Patar na Hinom a niabalaten na pokdul da ray Jebuseo, insan ontalus ed Enrogel.

Josue 18:16 Referans Kwoze

2 Saray Arari 23:10

Ginawa met nen Ari Josias ya andi-kabaliksan so Tofet, say pasen na panangigalangan na saray pagano diad Patar na Hinom, pian anggapo lay makapangisaklang ed dios a Molec na anak ton laki o bii.

Isaias 30:33

Abaybayag la a niparaan so sakey a pasen a walay baleg ya apoy a mamool ed ari na Asiria. Aralem yan pasen tan maawang tan atagtagey so nibonton a kiew. Isibuk na Katawan so singa onaagos ya apoy a mamool ed samay kiew.

Jeremias 32:35

Nanggagawa ra na saray altar a para Baal diad Patar na Hinnom, a pangibagatan dad dios a Moloc na saray anak dan lalaki tan bibii. Ag ko ingganggan ed sikara a gawaen day onya, tan ag anggan sinmebang ed kanunotan ko a gawaen da man a makapaingungot a bengatla, pian pankasalananen da ray totood Juda.”

Jeremias 19:11

tan ibagak ed sikara a say Katawan a Makapanyarin-amin inkuanto, “Betagen ko ra yan totoo tan sayan siudad a singa pametag ed sakey a banga pian ag lan balut natoop. Saray totoo ipompon da anggan diad Tofet iray inaatey da lapud anggapoy arum a pasen a pangipomponan.

Jeremias 19:6

Kanyan sirin, onsabiy panaon a sayan pasen et ag la natawag na Tofet odino Patar na Hinom. Ingen natawag a Patar na Panagpateyan.

Jeremias 19:2

ta itagar ko rad patar na Ben-hinnom diad kapaway na Puirta na Langa. Diman ko ipulong so salita na Katawan ya iter tod siak.

2 Saray Awaran 33:6

Insaklang ton bagat a popoolan ed Patar na Hinom iray lalakin anak to. Nambubuyon tan nansasalamangka; nampapanon ed saray managpalar tan saray manangipanon ed saray ispiritu na inaatey. Mapalaloy impankasalanan tod Katawan, kanyan impanpasnuk to.

2 Saray Awaran 28:3

nampopool na insinso ed Patar na Hinom; tan insaklang ton bagat a popoolan ed saray talintaoy diriyos so anggan saray dilin anak ton lalaki, ta inalig toy makapaingungot a kaogaliyan na saray totoon pinataynan na Katawan legan a mankukurang iray Israelita.

1 Saray Awaran 14:9

Akasabid Patar na Refaim iray Filisteo tan ginapwan day nandederal.

1 Saray Arari 1:9

Aminsan ya agew, angibagat si Adonias na saray karniro, baka, tan pinataban kilaw na baka diad Oleg a Baton-Dampay ya asingger ed sobul na En-rogel. Binagaan tod sayan pista na bagat iray arum a lalakin anak nen David tan saray taga Juda ya opisyal na ari.

2 Samuel 17:17

Si Jonatan a lakin anak nen Abiatar tan si Ahimaaz a lakin anak nen Sadoc et manaalagar irad En-rogel, diad asingger ed Jerusalem, ta ag da labay a nanengneng iran onloob ed siudad. Mabetbet ya onlad may sakey a biin aripen tan ibaga tod sikaray nagagawa, insan ira onlad satan a mangibalitad kinen Ari David.

Saray Huis 19:10

Balet ag la labay na samay Levita so mansanlabid man, kanyan nampikal ya onsempet la a pati samay biin kaamung to. Walay duaran asno ra a walay silya na beneg da. Ngarngarem la nen asingger la rad Jebus (say Jerusalem), kanyan samay aripen kuantod kinen amo to, “Ontonda tayo, ta dia lad sayan siudad na saray Jebuseo so pamalabasan tayoy labi.”

Saray Huis 1:21

Balet ag pinataynan na saray totood tribu nen Benjamin iray Jebuseo a manaayam ed Jerusalem, tan nanlapud saman saray Jebuseo kaiba dan nanayam diman iray totoo nen Benjamin.

Saray Huis 1:8

Dinogpaan na saray totoo nen Juda so Jerusalem tan adakep da. Pinapatey da ray totoo to tan pinoolan day siudad.

Josue 18:28

Zela, Elef, Jebus (odino Jerusalem), Gibeat, tan Kiryat-jearim; labinapat iran amin a siudad, a pati saray baley ed kaliber-liber da. Sikato yay dalin a nipabetang ed saray pamilya na tribu nen Benjamin.

Josue 15:63

Balet saray totood Juda ag da ayarian a pinataynan iray Jebuseo a manaayam ed Jerusalem. Manaayam ni rad man a kaiba da ray totood Juda.

2 Samuel 5:18

Akasabid Patar na Refaim iray Filisteo tan nanayam irad man.