Josue 18:12 - Maung A Balita Biblia

¹² Diad baybay onggapo so ketegan da ed Jordan, insan mampaatagey ed baybay na Jerico tan mampasagur ya ondalan ed kapokdulan ya anggad kalawakan na Bet-aven.

Maung a Balita Biblia

¹² Diad baybay onggapo so ketegan da ed Jordan, insan mampaatagey ed baybay na Jerico tan mampasagur ya ondalan ed kapokdulan ya anggad kalawakan na Bet-aven.

Josue 18:12 Referans Kwoze

Josue 16:1

Say bandad abalaten a ketegan na dalin a nipabetang ed saray kabyangan na boleg nen Jose et onggapod Jordan diad asingger ed Jerico, diad pasen a nibokig na saray sobul na Jerico, tan ontuloy ya anggad kalawakan. Manlapud Jerico sabien toy kapokdulan a pasen ya anggad Betel.

Josue 7:2

Si Josue angibaki na saray lalaki a manlapud Jerico ta onla ra ed Ai, sakey a siudad ed bokig na Betel tan asingger ed Bet-aven. Ingganggan to ran onla a mannengneng na dalin. Nen asumpal da lay angibakian ed sikara,

Oseas 10:5

Ontakot iray totoon manaayam ed siudad na Samaria tan ermenan day inkabalang na balituk a bakan kalakyan ed Betel. Sikara tan saray paparin manlilingkur ed talintao et nangisan da may inkabalang to. Pandageyeman da so inkaandi na bantug a kagalangan to.

Oseas 5:8

Sibuk yod Gabaa iray trumpitan panawag na bakal! Paknul yod Rama so pamasakbay. Iyeyag yo ed Bet-haven so para bakal! Lalaki a taga Benjamin, dogpa kayo lan mibakal!

Oseas 4:15

“Anggaman ya aliwa kayon matoor ed siak, sikayon totood Israel, ag komun mankasalanan iray taga Juda na singa onya. Ag ka mangigagalang ed Gilgal odino diad Bet-haven, odino mansipan kad man diad ngaran na mabilay a Katawan.

Josue 6:1

Akakaput iray puirta na siudad na Jerico tan aguardiaan ira pian ag makaloob iray Israelita. Anggapoy makaloob o makapaway ed siudad.

Josue 3:16

tinmondan onagos so danum na ilog tan agilon ed bandad tagey so danum, diad Adan, say siudad a kaabay na Zaretan. Say agos a mampalasur ed Inatey a Dayat et sigput a tinmonda kanyan saramay totoo et akabaliw irad abay na Jerico.

Josue 2:1

Insan si Josue angibakin nanlapud kampod Acacia na duaran ispia tan binilin to ra a maamut dan nengnengen so kipapasen na dalin na Canaan, nagkalalo lad siudad na Jerico. Nen akakar irad siudad, diad abung na sakey a marotak na bii a manngaray Rahab so amalabasan day labi.

Josue 8:15

Si Josue tan saray totoo to nankonkoanan iran sinmener, tan batik iran amaarap ed kalawakan.

Josue 18:11

Say dalin a kayaryan da ray pamilya na tribu nen Benjamin et sikatoy ononan nipabetang. Say dalin da et walad nanleetan na tribu nen Juda tan say tribu nen Jose.

1 Samuel 13:5

Nantitipon iray Filisteo a mibakal ed saray Israelita. Talomplon liboy karwahi ra; anem a liboy sondalon akakabayo, tan singa karakel na buer ed dayat iray arum a sondalo ra. Linma rad Micmas diad bokig na Bet-aven, tan diman ira nankampo.