Josue 16:9 - Maung A Balita Biblia

⁹ Kayaryan da met iray baley tan saray bario a wala rad dalin a sakop na tribu nen Manases, balet niiter irad saray Efraimita.

Maung a Balita Biblia

⁹ Kayaryan da met iray baley tan saray bario a wala rad dalin a sakop na tribu nen Manases, balet niiter irad saray Efraimita.

Josue 16:9 Referans Kwoze

Josue 17:9

Insan mampaleksab ed kolus na Cana so ketegan. Saray siudad ed abalaten na kolus et kayaryan nen Efraim, anggaman a sakop ira na dalin nen Manases. Ontuloy so ketegan na Manases ed nibaybay a dapag na kolus tan mansamput ed Dayat na Mediteraneo.

Josue 16:8

Manlapud Tapua say ketegan mamaarap ed sagur tan ontalus ed kolus na Cana, insan mansamput ed Dayat na Mediteraneo. Sikato ya so dalin a niiter ed saray pamilya na tribu nen Efraim.

Josue 16:10

Ag da pinataynan iray Cananeo a manaayam ed Gezer, kanyan anggad natan saray Cananeo kaiba ran manaayam iray Efraimita, balet apasoot ira yan Cananeo a mankimey ya ariripen.

2 Samuel 2:9

Si Abner ginawa tod man si Isboset a manarid saray lugar na Galaad, Aser, Jezreel, Efraim, tan Benjamin—diad intiron Israel.

1 Saray Awaran 7:28

Say dalin ya inala tan nanayaman da et sakop toy Betel tan saray kaliber-liber ton baley; diad bokig sakop toy anggad Naaran, tan diad sagur sakop toy anggad Gezer tan saray kaliber-liber ton baley. Sakop to met iray siudad na Sikem tan Ayya tan saray kaliber-liber dan baley.