Josue 15:8 - Maung A Balita Biblia

⁸ tan mampatatdang ed Patar na Hinom diad niabalaten a dapag na pokdul a kawalaan na Jerusalem a siudad na saray Jebuseo. Say ketegan ontuloy ya anggad toktok na pokdul ed nisagur a dapag na Patar na Hinom, diad nibaybay a samput na Patar na Refaim.

Maung a Balita Biblia

⁸ tan mampatatdang ed Patar na Hinom diad niabalaten a dapag na pokdul a kawalaan na Jerusalem a siudad na saray Jebuseo. Say ketegan ontuloy ya anggad toktok na pokdul ed nisagur a dapag na Patar na Hinom, diad nibaybay a samput na Patar na Refaim.

Josue 15:8 Referans Kwoze

Josue 18:16

Mampalasur ed satan ed alusadsar ya ososdongan toy Patar na Hinom, diad nibaybay a samput na Patar na Refaim. Ontuloy ed abalaten tan nadalan toy Patar na Hinom a niabalaten na pokdul da ray Jebuseo, insan ontalus ed Enrogel.

Josue 15:63

Balet saray totood Juda ag da ayarian a pinataynan iray Jebuseo a manaayam ed Jerusalem. Manaayam ni rad man a kaiba da ray totood Juda.

Saray Huis 19:10

Balet ag la labay na samay Levita so mansanlabid man, kanyan nampikal ya onsempet la a pati samay biin kaamung to. Walay duaran asno ra a walay silya na beneg da. Ngarngarem la nen asingger la rad Jebus (say Jerusalem), kanyan samay aripen kuantod kinen amo to, “Ontonda tayo, ta dia lad sayan siudad na saray Jebuseo so pamalabasan tayoy labi.”

Josue 18:28

Zela, Elef, Jebus (odino Jerusalem), Gibeat, tan Kiryat-jearim; labinapat iran amin a siudad, a pati saray baley ed kaliber-liber da. Sikato yay dalin a nipabetang ed saray pamilya na tribu nen Benjamin.

2 Saray Arari 23:10

Ginawa met nen Ari Josias ya andi-kabaliksan so Tofet, say pasen na panangigalangan na saray pagano diad Patar na Hinom, pian anggapo lay makapangisaklang ed dios a Molec na anak ton laki o bii.

Saray Huis 1:21

Balet ag pinataynan na saray totood tribu nen Benjamin iray Jebuseo a manaayam ed Jerusalem, tan nanlapud saman saray Jebuseo kaiba dan nanayam diman iray totoo nen Benjamin.

Jeremias 19:14

Insan tinaynan koy Tofet ya angibakian na Katawan ed siak a pangibawagan koy salita to. Linma ak a nanalagey ed patio na Timplo tan imbagak ed amin a totoo

Jeremias 19:6

Kanyan sirin, onsabiy panaon a sayan pasen et ag la natawag na Tofet odino Patar na Hinom. Ingen natawag a Patar na Panagpateyan.

Jeremias 19:2

ta itagar ko rad patar na Ben-hinnom diad kapaway na Puirta na Langa. Diman ko ipulong so salita na Katawan ya iter tod siak.

Isaias 17:5

Say Israel magmaliw a singa alog ya agapas tan naani lay tanem to; magmaliw a singa ataynan ya alog ed Patar na Refaim a nantortoran la.

2 Saray Awaran 28:3

nampopool na insinso ed Patar na Hinom; tan insaklang ton bagat a popoolan ed saray talintaoy diriyos so anggan saray dilin anak ton lalaki, ta inalig toy makapaingungot a kaogaliyan na saray totoon pinataynan na Katawan legan a mankukurang iray Israelita.

2 Samuel 5:22

Pinmawil ed Patar na Refaim iray Filisteo tan nanayam irad man lamet.

2 Samuel 5:18

Akasabid Patar na Refaim iray Filisteo tan nanayam irad man.

Saray Huis 1:8

Dinogpaan na saray totoo nen Juda so Jerusalem tan adakep da. Pinapatey da ray totoo to tan pinoolan day siudad.

1 Saray Awaran 11:4

Si Ari David tan saray Israelita dinogpaan day Jerusalem. Say ngaran ni nen saman na Jerusalem et Jebus, tan manaayam nid man iray Jebuseo, saray inmona-onan totoo a nanayam ed saman a dalin.

Nehemias 11:30

Zanoa, Adullam, tan diad saray kaliber-liber dan bario. Nanayam irad Lakis tan diad kaalogan to, diad Azeca tan saray bario to. Saray totood Juda nanayam ira sirin ed dalin a nanleetan na Beer-seba diad abalaten tan say Patar na Hinom diad baybay.